Բավ է պառակտվել
16-03-2021 10:17

Երևանում բացվել է Լեոնիդ Ենգիբարովի անվան պուրակը

Երկուշաբթի Երևանում բացվել է լեգենդար միմ-ծաղրածու, ՀԽՍՀ ժողովրդական արտիստ Լեոնիդ Ենգիբարովի անվան պուրակը։ Ինչպես տեղեկացնում է քաղաքապետարանը՝ արձանի բացման ամսաթիվը զուգադիպեցվել է արտիստի ծննդյան օրվա հետ։

«Ավելի քան տասը տարվա դադարից հետո, պայմանավորված կրկեսի շենքի շինարարությամբ, հարազատ վայր է վերադարձել նաև արտիստի արձանը»,- նշվում է հաղորդագրությունում։

Պուրակը Ենգիբարյանի անվամբ անվանակոչելու որոշումը կայացվել էր 2020 թվականի ապրիլին։

Պուրակը գտնվում է քաղաքի կենտրոնում, Երևանի կրկեսի շենքի հարևանությամբ՝ Սբ․ Գրիգոր Լուսավորիչ և Ագատանգեղոսի փողոցների խաչմերուկում։

Ենգիբարովի մասին

Լեոնիդ Ենգիբարովը ծնվել է 1935 թվականի մարտի 15-ին Մոսկվայում, հանդես է եկել «տխուր ծաղրածուի» ամպլուայում: Երիտասարդ տարիներին զբաղվել է բռնցքամարտով, դպրոցն ավարտելուց հետո ընդունվել է Մոսկվայի ֆիզիկական դաստիարակության ինստիտուտ, բայց շուտով թողել այն:

Ավարտել է Մոսկվայի կրկեսային դպրոցի ծաղրածուական բաժինը: Դեռ ուսանող ժամանակ Ենգիբարովը սկսել է բեմում հանդես գալ որպես միմ:

Նրա դեբյուտը տեղի է ունեցել 1959 թվականի հուլիսի 25-ին Նովոսիբիրսկի կրկեսի մանեժում: Նա աշխատել է հայկական կրկեսի կոլեկտիվում, հաջողությամբ շրջագայել է տարբեր քաղաքներում՝ Մոսկվայում, Խարկովում, Թբիլիսիում, Վորոնեժում, Մինսկում: Հաջող էին նաև արտասահմանյան առաջին հյուրախաղերը Լեհաստանում:

Ենգիբարովը կարահանվել է նաև ֆիլմերում, աշխատել թատրոնում՝ որպես ռեժիսոր և դերասան, նրա պատմվածքները տպագրվել են թերթերում:

Նա հանկարծամահ է եղել 37 տարեկան հասակում , պաշտոնական վարկածի համաձայն՝ սրտանոթային հիվանդությունից: Թաղված է Մոսկվայի Վագանկովյան գերեզմանատանը:

«Դա իր սեփականությունն է, մենք ոչինչ չենք կարող անել». Մարությանը` Մաշտոցի պուրակի մասին
Եթե դուք հազում եք,ունեք հարբուխ՝ ապա պետք չի գնալ հանրային օբյեկտ
Մեկնարկել են «Գահերի խաղը» կինոնկարի նոր մասի նկարահանումները․ ներկայացվել են առաջին կադրերը
«Միսս տիեզերք 2020» միջազգային մրցույթի մասնակից Մոնիկա Գրիգորյանն արդեն Նյու Յորքում է
Երևանում չեղարկվել է ջազի միջազգային օրվա տոնակատարությունը