Հայտնի երգչուհի Շերը և պրոդյուսեր Էրիկ Իսրայելյանը «Մեզ ջնջել չե՛ք կարող» վերնագրով հոդված են գրել Newsweek ամսագրի համար՝ Արցախում հումանիտար ճգնաժամի մասին։
«Խնդրում ենք տարածել Newsweek-ում մեր հոդվածը հումանիտար ճգնաժամի մասին, որին բախվում են հայերը հենց հիմա»,- գրել է Շերը Twitter-ում։
Հոդվածագիրները պատմում են այն աղետալի իրավիճակի մասին, որը ստեղծվել է Արցախում՝ Ադրբեջանի կողմից Հայաստանի և մնացած աշխարհի հետ կապող «կյանքի ճանապարհը» փակելու պատճառով։ Հոդվածի հեղինակները ներկայացնում են Արցախի և Հայաստանի պատմությունը և խոսում երկու ժողովրդավարական երկրների շահերի լոբբինգի անհրաժեշտության մասին բոլոր մակարդակներում։