Փետրվարի 13-ին Երևանում ելույթ կունենա աշխարհահռչակ իտալացի տենոր Ալեսանդրո Սաֆինան։
Ըստ կազմակերպիչների՝ համերգը տեղի կունենա «Արամ Խաչատրյան» համերգասրահում։ Տենորի հետ միասին ելույթ կունենա Հայաստանի պետական սիմֆոնիկ նվագախումբը՝ դիրիժոր Նիկոլա Սայմոնի ղեկավարությամբ։ Երգիչը կկատարի հայտնի սիրային երգեր իր երգացանկից։
CNN ամերիկյան հեռուստաընկերության կողմից Ալեսանդրո Սաֆինան ճանաչվել է աշխարհի փոփ-օպերային ժանրի երեք ամենահայտնի տենորներից մեկը, իսկ «Sunday Mail»-ը ներառել է ամենահայտնի տենորների շարքում։
Սաֆինան ելույթ է ունեցել Էլթոն Ջոնի, Ռոդ Ստյուարտի, Մարիոս Ֆրանգուլիսի և Սառա Բրայթմանի հետ։