Երևանում մահացել է հայտնի էստրադային երգիչ, կոմպոզիտոր, Հայաստանի Հանրապետության վաստակավոր արտիստ Հայկոն։
Ինչպես տեղեկացնում է Հայաստանի Հանրային հեոռւստաընկերությունը, վերջին շաբաթներին 44-ամյա Հայկոն գտնվում էր հիվանդանոցում՝ կորոնավիրուսի հետևանքով առաջացած բարդությունների պատճառով: Նրա վիճակը գնահատվում էր ծայրահեղ ծանր, սեպտեմբերի 21-ից բժիշկները պայքարում էին նրա կյանքի համար:
2007 թվականին Հայկոն ներկայացրել է Հայաստանը «Եվրատեսիլ» երգի միջազգային մրցույթում և զբաղեցրել 8-րդ տեղը: 2007, 2010 և 2011 թվականներին: ստացել է «Տարվա լավագույն կոմպոզիտոր» մրցանակը «Մի վախեցիր», «Սպանված աղավնի», «Խաչագողի հիշատակարանը» ֆիլմերի երաժշտության համար:
Հեղինակել է «Ոչինչ չի մնացել», «Հոբելյանական հաճախորդ», «Վանի ծովուն արշալույսը», «Գարեգին Նժդեհ» ֆիլմերի երաժշտությունները։ 2011 թվականին Մոսկվայի հայկական երաժշտական «Արմենիա» ամենամյա մրցանակաբաշխության ժամանակ արժանացել է «Տասնամյակի երգիչ» մրցանակին: