Համաշխարհային կինեմատոգրաֆի աստղ Ժակլին Բիսեթը Երևանի «Ոսկե ծիրան» XIII միջազգային կինոփառատոնի պատվավոր հյուրն է։
Դերասանուհին խոստովանեց, որ Լոս Անջելեսում, որտեղ ապրում է ինքը, հաճախ է շփվում հայերի հետ։ Սակայն չէր էլ մտածել, որ մի անգամ կգա Հայաստան։
«Ես շատ ուրախ եմ, որ այստեղ եմ։ Արդեն համոզվեցի, որ հայերը ջերմ ժողովուրդ են»,- ասաց Բիսթեը։
Նա հայտնեց, որ մտադիր է ծանոթանալ հայկական խոհանոցին և դիտել հայկական ֆիլմեր։
«Ոսկե ծիրանի» շրջանակում տեղի ունեցավ Բիսեթի մասնակցությամբ ֆիլմերի հետահայաց ցուցադրություն։ Փառատոնի հիմնադիր Հարություն Խաչատյանը հայտնեց, որ փառատոնը հրավիրել է Բիսեթին, որպեսզի նրան հանձնի Սերգեյ Փարաջանովի անվան մրցանակը` «Փարաջանովյան թալերը»` կինոարվեստում ունեցած ավանդի համար։