Բավ է պառակտվել
08-04-2021 13:09

Հայաստանում կավելանա պաշտպանության և տնտեսության համար գիտական ​​հետազոտությունների բյուջեն

Հայաստանում կավելանա պաշտպանության և տնտեսության համար գիտական հետազոտությունների բյուջեն

ՀՀ իշխանությունները միջոցներ կուղղեն գիտական ինստիտուտների և համալսարանների լաբորատորիաների համար նոր սարքավորումներ գնելու և նյութատեխնիկական բազան ապահովելու համար:

ՀՀ կառավարությունը կավելացնի գիտական հետազոտությունների բյուջեն: Համապատասխան որոշումն ընդունվել է հինգշաբթի կառավարության նիստում:

Մասնավորապես, գիտության ֆինանսավորման բյուջեն կավելանա մոտ 2.8 միլիարդ դրամով (5.2 միլիոն դոլար)՝ 13.1 միլիարդ դրամից հասնելով 15,9 միլիարդի (ներկայիս փոխարժեքով ՝ մոտ 30 միլիոն դոլար):

Այս գումարի կեսից մի փոքր պակաս (1 միլիարդ 31 միլիոն) հատկացվելու է նոր սարքեր գնելու, գիտական ինստիտուտների և համալսարանների լաբորատորիաների համար անհրաժեշտ նյութատեխնիկական բազա ապահովելու համար:

Բացի այդ, նոր սարքավորումները պետք է համատեղ օգտագործվեն, ինչը կբարձրացնի տարբեր հետազոտական ինստիտուտների ծանրաբեռնվածությունը: Այդ նպատակով կմշակվի նոր սարքերի օգտագործման ժամանակացույցը: Նշված գումարից բացի, նոր սուպերհամակարգչի գնման և տեղադրման համար կհատկացվի ևս 114 միլիոն դրամ (մոտ 210 հազար դոլար):

Որոշման համաձայն՝ շուրջ 1.34 միլիարդ դրամ կհատկացվի գիտական հետազոտությունների ֆինանսավորմանը: Մասնավորապես, մրցակցային հիմունքներով ընտրվող ֆունդամենտալ դրամաշնորհային հետազոտությունների թիվը կավելանա 50-ով: Երիտասարդ հայ գիտնականների համար կբացվի 8 նոր ծրագիր՝ արտասահմանյան հեղինակավոր գործընկերների հետ համատեղ աշխատելու պայմանով։

Ֆինանսավորում է տրամադրվում նաև կիրառական հետազոտությունների համար, մասնավորապես, միջոցները նախատեսվում է ուղղել պաշտպանական և քաղաքացիական 10 նոր հետազոտությունների համար։ Վերջիններսս ուղղված են լինելու բիզնեսի արտադրության բարելավմանը, բայց պայմանով, որ բիզնեսը կմասնակցի նման հետազոտությունների ֆինանսավորմանը:

Արթուր Դավթյանի հրավերով Հայաստան է ժամանել ՌԴ գլխավոր դատախազը
Եվրախորհրդի նախագահը կայցելի Հայաստան
Կորոնավիրուսի պատճառով մեկը մյուսի հետևից չեղարկվում են նաև պաշտոնական այցերը
Հայաստանն՝ ամենից շատ ՌԴ քաղաքացիություն ստացող երկրների հնգյակում
Ովքեր կարող են վերադառնալ ՌԴ,ովքեր մեկնել ՀՀ–ից