Մի շարք երկրներ, այդ թվում՝ Հայաստանը, Ղազախստանը և Արաբական Միացյալ Էմիրությունները (ԱՄԷ), հետաքրքրություն են ցուցաբերում ռուսական նորագույն «Կա-52Մ» և «Մի-28Նէ» հարվածային ուղղաթիռների նկատմամբ։ Այս մասին ՏԱՍՍ-ին տված հարցազրույցում հայտնել է «Ռոստեխ» պետական կորպորացիայի «Ռուսական ուղղաթիռներ» հոլդինգային ընկերության գլխավոր տնօրեն Անդրեյ Բոգինսկին։
Նրա խոսքով՝ նոյեմբերի 14-18-ը ԱՄԷ-ում անցկացված Dubai Airshow 2021 միջազգային ցուցահանդեսի շրջանակում օտարերկրյա հաճախորդների մեծ հետաքրքրություն է գրանցվել ռուսական «Կա-52Մ» և «Մի-28Նէ» մարտական ուղղաթիռների նկատմամբ։
«Ներկա էին պատվիրակություններ Հայաստանից, Ղազախստանից, Մալայզիայից, Մավրիտանիայից, ԱՄԷ-ից, Սաուդյան Արաբիայից։ «Ռոսօբորոնէքսպորտ»-ի գործընկերներն ակտիվորեն աշխատում են առաջխաղացման ուղղությամբ, մենք գոհ ենք ունեցած արդյունքից»,- ասել է Բոգինսկին։
ԱՄԷ-ում անցկացված Dubai Airshow 2021-ի գլխավոր նորույթներից էր «Մի-28Նէ» հարվածային ուղղաթիռի միջազգային պրեմիերան։ Նախկինում «Գիշերային որսորդի» այս մոդիֆիկացիան երբեք չի ցուցադրվել արտասահմանյան ցուցահանդեսներում։ «Կա-52»-ը ևս առաջին անգամ է մասնակցել է Dubai Airshow-ին։ Ավիաշոուի շրջանակներում ուղղաթիռները մասնակցել են թռիչքային ծրագրին, որի ընթացքում ցուցադրել են բարդ պիլոտաժի և մանևրելու տարրեր, որոնք կիրառվում են իրական օդային մարտերում:
«Կա-52»-ը «Կա-52» Ալիգատոր ուղղաթիռի արդիականացված տարբերակն է։ Ըստ մշակողների՝ «Կա-52»-ի հրթիռային սպառազինությունը միավորված է մեկ այլ նորագույն գրոհային ուղղաթիռի՝ Մի-28ՆՄ-ի սպառազինության հետ, ինչը հնարավորություն է տվել զգալիորեն մեծացնել թիրախին հարվածելու հեռահարությունը։ «Կա-52»-ը համալրվել է նաև նոր ռադարային համակարգով՝ ակտիվ փուլային ալեհավաք ցանցով և ավելի մեծ հեռահարության կառավարվող հրթիռով: Արդիականացված ուղղաթիռի նախատիպի առաջին թռիչքը տեղի է ունեցել 2020 թվականի օգոստոսի 10-ին։
«Մի-28Նէ» ուղղաթիռը նախատեսված է օդային թիրախներ, տանկեր և զրահատեխնիկա ոչնչացնելու համար, այն կարող է օգտագործվել նաև հետախուզության և պարեկության համար։ «Մի-28Նէ» սպառազինության համալիրը ներառում է 30 մմ շարժական թնդանոթ, երեք տեսակի հակատանկային կառավարվող հրթիռներ՝ 6 և 10 կիլոմետր հեռահարությամբ, կառավարվող «օդ-օդ» հրթիռներ, երկու տեսակի չկառավարվող հրթիռներ, մինչև 500 կգ տրամաչափի ռումբեր։ տրամաչափ. Տանող պտուռակի շեղբերն ունակ են դիմակայել 30 մմ արկի հարվածին։ Շարժիչները բարձր հզորության են՝ յուրաքանչյուրը 2400 ձիաուժ։ Այն ունի բարձր կենսունակություն, օդաչուների խցիկի դիմապակին և կողային ապակիները զրահապատ են։ Մարտական ուղղաթիռը ի վիճակի է արդյունավետորեն կատարել առաջադրված խնդիրները շոգ կլիմայական պայմաններում՝ այն համալրված է արտանետումներից պաշտպանող էկրաններով և փոշուց պաշտպանող նոր սարքով։