Բա՛վ է պառակտվել
05-09-2019 15:40

Այս պահի դրությամբ եկամուտները հայտարարագրել է շոու-բիզնեսի շուրջ 5 ներկայացուցիչ. ՊԵԿ նախագահ

Պետական եկամուտների կոմիտեի նախագահ Դավիթ Անանյանը ծիծաղելի համարեց այն խոսակցությունները ,որ «Ձյունիկ սառնարան» և «Վեգա» ընկերություններում հրդեհները դիտավորությամբ են եղել, քանի որ ռիսկային խմբում են եղել: Անանյանը նշեց,որ ռիսկային գնահատված կազմակերպությունների ցանկը 900 է, ու ինքը բառացի չի հիշում թե որ ընկերություններն են:
<<Դա ծիծաղելի վարկած է և չգիտեմ՝ մարդիկ երևի պարապ են, մտածում են՝ այդպիսի վարկածներով հանրությանը զվարճացնեն»,-ասաց Անանյանը: Եվ կրկին հարցադրում եղավ շոուբիզնեսի ներկայացուցիչների հայտարարագրերի մասին: Անանյանը ասաց,որ այս պահի դրությամբ եկամուտները հայտարարագրել է շոու-բիզնեսի շուրջ 5 ներկայացուցիչ:
«Հայտնի շուրջ 9 անձի վերջերս ներկայացվել է կոնկրետ նամակ, որտեղ գրված են այն միջոցառումները, որոնց նրանք մասնակցել են ու երևի թե՝ եկամուտ են ստացել: Բայց մեր տեղեկատվական բազայում առկա ինֆորմացիայի հիման վրա նրանք, ըստ էության, 2018-ին ոչ աշխատավարձ են ստացել, ոչ որևէ կազմակերպության աշխատակից են եղել, ոչ դիվիդենտ են ստացել, ոչ էլ հանդես են եկել որպես անհատ ձեռնարկատեր: Մենք նամակով հորդորեցինք իրենց գալ ու հայտարարագրել եկամուտները»,-ասաց նա:
Անանյանը հրաժարվեց անուններ հրապարկել՝ նշելով միայն, որ եղել են հորդորներ ներկայացնել հայտարարագրերը, մինչդեռ դրանք չստանալուց հետո ՊԵԿ-ը վերջին նամակն է ուղարկել շոու բիզնեսի ներկայացուցիչներին, իսկ եթե այս նամակն էլ մնա անպատասխան, ապա ՊԵԿ նախագահը պնդեց՝ ՊԵԿ-ի կողմից նախնական հաշվարկ կիրականացվի ու կփոխանցվի քննչականին, որն էլ կորոշի, թե ինչ պատասխանատվության նրանք պիտի ենթարկվեն:

 

Արմինե Գևորգյան

Անփոխարինելի մարդ չկա, եթե պետք լինի ես կհեռանամ․ՊԵԿ նախագահ
Հայկական շոու բիզնեսի հարկ չվճարած ներկայացուցիչները կարող են քննության տակ հայտնվել
Արդյո՞ք կբարձրանա գազի ու էլեկտրաէներգիայի սակագինը
“Հուսով եմ, կոռուպսիայի դեմ պայքարի արդյունքները կուղղվեն Հայաստանի պաշտպանունակության ամրապնդմանը”․ Նիկոլ Փաշինյան
Գազի նոր գին այս տարի չենք ունենա․ Գարեգին Բաղրամյան