Վրացական բանկերը չեն սպասարկում «Միր» վճարային համակարգի քարտերը, հետևաբար, վճարման համար դրանց ընդունումը երկրում համարվում է օրենքի խախտում։ Այս մասին շաբաթ օրը հայտնել է Վրաստանի Ազգային բանկը։
Վրաստանում «Միր» համակարգը չի սպասարկվում որևէ առևտրային բանկի կամ վճարային ծառայություններ մատուցողի կողմից։
Համապատասխանաբար, եթե Վրաստանում գործող կազմակերպությունը սպասարկում է
չգրանցված վճարային ընկերությունն, ապա այն խախտում է Վրաստանի «Վճարային համակարգի և վճարային ծառայությունների մասին» օրենքը։ Դա կորակվի որպես անօրինական առևտրային գործունեություն»,- ասվում է ֆինանսական կարգավորիչ մեկնաբանության մեջ՝ կապված տեղական լրատվամիջոցներում Բաթումիի առևտրի կենտրոնների կողմից «Միր» քարտերը վճարման համար ընդունելու պլանների մասին տեղեկություններ հայտնվելու հետ:
Մարտի սկզբին հայտնի դարձավ, որ վրացական Georgian Airways ավիաընկերությունը Visa-ի և MasterCard-ի հետ որպես վճարման եղանակ ներառել է ռուսական «Միր» վճարային համակարգը։ Ավելի ուշ ընկերությունը հանեց «Միր»-ը տոմսերի վաճառքի իր համակարգից:
Visa և MasterCard միջազգային վճարային համակարգերը միաժամանակ որոշել են սահմանափակել աշխատանքը Ռուսաստանում առաջիկա օրերին՝ Ուկրաինայի շուրջ ստեղծված իրավիճակի պատճառով։ Միևնույն ժամանակ, բոլոր ռուսական բանկերի Visa և MasterCard քարտերը կշարունակեն գործել Ռուսաստանի Դաշնությունում, հաճախորդների միջոցները նման քարտերի հետ կապված հաշիվներում լիովին պահպանված և հասանելի են: Սակայն այդ քարտերով տրանսսահմանային գործարքներ հնարավոր չեն: Սա վերաբերում է ինչպես արտասահմանյան առցանց խանութներից գնումների դիմաց վճարելուն, այնպես էլ արտերկրում այդ քարտերից օգտվելուն: