Հայաստանի վարչապեի խոսքով՝ պաշտպանական բյուջեն, ինչպես նաև քաղաքացիական ենթակառուցվածքային նախագծերի ուղղությամբ ծախսերն աստիճանաբար կաճեն։
2022թ․ Հայաստանի պաշտպանական բյուջեն կաճի 11 տոկոսով։ Այս մասին ասել է Հայաստանի վարչապետ Նիկոլ Փաշինյանը, ներկայացնելով խորհրդարանում գալիք տարվա պետբյուջեն;
Պաշտպանությանն, ընդհանուր առմամբ, կհատկացվի 345մլն դրամ (շուրջ 725մլն դոլար՝ խմբ․)։
«2022 թվականի պաշտպանական բյուջեն, 2021-ի պլանի համեմատ, ավել է 11 տոկոսով և կկազմի ավելի քան 345 մլրդ դրամ։ Մենք հետևողականորեն շարժվելու ենք Հայաստանում պրոֆեսիոնալ բանակ ստեղծելու ճանապարհով, բայց դա անելու ենք սահուն, մտածված քայլերով»,– նշել է կառավարության ղեկավարը։
Վարչապետը հավելել է, որ հանրապետությունը շարունակում է նոր զինատեսակներ ձեռք բերել, ինչպես նաև աստիճանաբար անցնել Հայաստանի սահմանների պաշտպանությանը՝ պայմանագրային հիմունքներով։
Կառավարության ղեկավարը նաև հավելել է, որ սահմանային ծառայությունը Հայաստանում կամրապնդվի: Նա նշել է, որ ապագայում երկրի սահմաններին կտեղակայվեն միայն սահմանապահ զորքերը։
Նա ընդգծել է, որ ադրբեջանական ուժերի դուրսբերումը Հայաստանի սահմանային տարածքներից, ինչպես նաև երկու երկրների միջև սահմանների սահմանազատման և սահմանագծման գործընթացի մեկնարկը բարենպաստ պայմաններ կստեղծի դրա համար։
Հիշեցնենք, որ 2022 թվականի պետական բյուջեի նախագծով բյուջեի եկամուտները կկազմեն 1 տրիլիոն 946 միլիարդ դրամ (մոտ 4,1 միլիարդ դոլար) կամ 17,5 տոկոսով ավելի, քան 2021 թվականին, ծախսերը՝ 2 տրլն 189 միլիարդ (4,6 միլիարդ դոլար), կամ 5,1տոկոսով ավելի։