Բա՛վ է պառակտվել
28-11-2019 16:07

Մինչև 2020թ –ի ապրիլի 1-ը գազի գնի բարձրացում չի լինի․Մհեր Գրիգորյան

Հայաստանում սպառողի համար գազի գինը մինչև 2020 թվականի ապրիլի 1-ը չի բարձրանա: Հայաստանը բանակցում է ռուսական կողմի հետ, որ հնարավոր գնային տատանումը բեռ չդառնա թե սպառողի, թե տնտեսության վրա: Այս մասին լրագրողների հետ զրույցում ասաց ՀՀ փոխվարչապետ Մհեր Գրիգորյանը:
«Մինչև ապրիլի 1-ը բարձրացում չի լինի: Դրանից հետոյի հետ կապված տեղեկություն չեմ կարող հիմա հաղորդել: Ես մի քանի անգամ նշել եմ, որ գազի հետ կապված բանակցությունները և քննարկումները բազմակողմ են, և ցանկացած հնարավորություն մենք պետք է գնահատենք ու հաշվի առնենք, այդ թվում՝ այլ երկրների հետ հարաբերություններում․։
Հարցին, արդյոք հայտարարությունը, թե գազի գինը մինչև ապրիլի 1-ը չի բարձրանալու, ուղիղ մեսի՞ջ է, թե ապրիլի 1-ից հետո բարձրացում է լինելու, փոխվարչապետն ասաց՝ եթե դա լիներ ուղիղ մեսիջ, կասվեր ուղիղ մեսիջով:
«Եթե չի ասվում ուղիղ մեսիջով, նշանակում է, որ բանակցվում է, և կան հարցեր, որոնք դեռևս ճշտման ենթակա են»,- նշեց Գրիգորյանը:
Ինչ վերաբերում է Իրանից գազ ստանալու և փոխարենը էլեկտրաէներգիա կամ այլ ապրանքներ տալու գործընթացին, Մհեր Գրիգորյանն ասաց, որ այն ընթացիկ փուլում է, այլ հարց է ենթակառուցվածքային հնարավորությունների զարգացումը, և այլ հարց են ծավալները, որոնք, նրա խոսքով, օրակարգային են, սակայն այս պահին ավելի կոնկրետ ոչինչ չի կարող ասել:

 

Արմինե Գևորգյան

Սպասվում է գազի գնի փոփոխություններ․փոխվարչապետ
Գազի նոր գին այս տարի չենք ունենա․ Գարեգին Բաղրամյան
«Հարավկովկասյան երկաթուղիների» ընկերության հետ պայմանագիրը խզելու հարց օրակարգում չկա․փոխվարչապետ
ՀՀ արտաքին պարտքի ավելացումը չի բացառվում․ Տիգրան Խաչատրյան
Տնտեսական կորուստները կլինեն Էական ․Էկոնոմիկայի նախարար