Aռաջիկա տարիներին արևմտյան պատժամիջոցների պայմաններում Ռուսաստանը կարիք է ունենալու գործընկերների, որոնք կօգնեն այդ երկրին հաղթահարելու դրանց հետևանքները, գրել է ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանն իր հեռագրային ալիքում։
«Այս առումով խելամիտ և ճիշտ գործելու դեպքում Հայաստանն այս հարթությունում կարող է դառնալ կարևոր օղակ, ինչի արդյունքում մեր երկիրը հնարավորություն կունենա ստանալ ոչ միայն տնտեսական, այլ նաև ռազմաքաղաքական օգուտներ։ Սակայն այս ամենին պետք է սկսել պատրաստվել հենց այսօրվանից, որովհետև մրցակիցների պակաս նույնպես չի լինելու»,- գրել է Ոսկանյանը։։
Նրա խոսքով՝ պարզ է, որ պաշտոնական Կիևը որևէ շանս չունի դիմակայելու ռուսական բանակին և վաղ թե ուշ Մոսկվան հասնելու է իր հիմնական նպատակին։
Փետրվարի 24-ին Պուտինը հայտարարեց Ուկրաինայում հատուկ ռազմական գործողություն իրականացնելու մասին՝ ի պատասխան Դոնբասի հանրապետությունների ղեկավարների կոչին։ Նա շեշտել է, որ Մոսկվայի ծրագրերում ներառված չէ ուկրաինական տարածքների օկուպացիան, նպատակը երկրի ապառազմականացումն ու ապաազգայնացումն է։ ՌԴ պաշտպանության նախարարությունը հայտնել է, որ ռուս զինվորականները հարվածներ չեն հասցնում քաղաքներին, այլ բարձր ճշգրտության միջոցներով շարքից հանում են ռազմական ենթակառուցվածքներ, ուստի։քաղաքացիական բնակչությանը վտանգ չի սպառնում։
Ի պատասխան՝ արևմտյան երկրները սահմանեցին ինչպես անձնական, այնպես էլ ոլորտային պատժամիջոցներ, որոնք վերաբերում են նաև ՌԴ պետական պարտքին և բանկային հատվածին։ Մասնավորապես, ուրբաթ օրը ԱՄՆ գանձապետարանը հայտարարեց նախագահ Վլադիմիր Պուտինի, արտգործնախարար Սերգեյ Լավրովի, ինչպես նաև պաշտպանության նախարար Սերգեյ Շոյգուի և ԳՇ պետ Վալերի Գերասիմովի դեմ պատժամիջոցների մասին։ Բացի այդ, Արևմուտքը սպառնում է նոր սահմանափակող միջոցներով։