Բա՛վ է պառակտվել
25-07-2019 16:42

4 ընկերությունների մաքսային արտոնություն շնորհվեց.կբացվի 100 նոր աշխատատեղ


Արտոնությունների բում, թերևս այսպես կարելի է որակել կառավարության այսօրվա նիստը: Կառավարության այսօրվա նիստում 4 ընկերություն մաքսային արտոնություն ստացավ ՝ շուրջ 100 նոր աշխատատեղ ստեղծելու ծրագրերով : Ընկերությունները բիզնես գործունեություն են իրականացնում տարբեր ոլորտներում:
Արտոնություն ստացած «Այ պլաստ» ՍՊ ընկերության կողմից ներմուծվող ապրանքներն օգտագործվելու են բժշկական կպչուն սպեղանիի արտադրության մեջ։ Իրականացվելու է մոտ 24 մլն դրամի ներդրում` նոր սարքավորումներ ձեռք բերելու համար: 6 աշխատատեղին կավելա ևս 3-ը՝ 120 հազար դրամ միջին աշխատավարձով։
«Արտ Գլոբալ» ընկերության կողմից ներմուծվող հումքն էլ կօգտագործվի թղթե և ստվարաթղթե ապրանքների արտադրության համար: Այս ծրագրի շրջանակում նախատեսվում է իրականացնել 250 մլն դրամի ներդրում ու ստեղծել 20 նոր աշխատատեղ:
«ԻՆ-ՎԻ ՍՊ» ընկերության կողմից ներմուծվող ապրանքներն էլ օգտագործվելու են մալուխների և հաղորդալարերի արտադրության մեջ։ Արդեն իսկ իրականացրել են 387 մլն դրամի ներդրում, նախատեսում են ևս 1 մլրդ դրամի ներդրում: Առկա 65 աշխատատեղին կավելանան 10-ը ՝ 155 հազար դրամ միջին աշխատավարձով։
Ամենաշատ աշխատատեղերը սպասվում են «Ոսկե կար» ընկերությունում: Ներմուծվող ապրանքներն օգտագործվելու են հագուստի արտադրության մեջ։ Այստեղ էլ նախատեսվում են 2 մլրդ դրամի ներդրում, 210 աշխատատեղ՝ առկա 150-ի փոխարեն:
Կառավարությունը Ջրային կոմիտեին էլ գումար հատկացրեց ,մոտ 460 միլիոն գումար: Այս գումարով քլորակ ներ ու ջրագծեր են կառուցվելու: Փոխվարաչապետ Տիգրան Ավինյանն էլ բացատրեց , թե որտեղից է գոյացել այդ գումարը:
«Այս աշխատանքներն իրականացվելու են հավելյալ առաջացած հարկային միջոցներից, որոնք մեր քաղաքացիները վճարել են պետբյուջե, և, ընդհանուր առմամբ, այդ միջոցներն ուղղվում են առաջին անհրաժեշտության նմանատիպ ծրագրերին: Կարծում եմ՝ սա շատ կարևոր է. պետք է առիթը բաց չթողնել և ևս մեկ անգամ կոչ անել բարեխղճորեն վճարել հարկերը»,-ասաց Ավինյանը:
Գումար հատկացվեց նաև ԱԻՆ –ին: Նախարար ֆելքիս Ցոլակյանը ասաց, որ վերջին շրջանում հրդեհավտանգ իրավիճակները շատացել են, որը պահանջում է լրացուցիչ ծախսեր համապատասխան տեխնիկա ձեռք բերելու համար:

 

Արմինե Գևորգյան

ՊԵԿ –ում պարգևավճարներ եղել են ու կլինեն․Դավիթ Անանյան
Անփոխարինելի մարդ չկա, եթե պետք լինի ես կհեռանամ․ՊԵԿ նախագահ
Չինաստանի ամենատարածված UnionPay վճարային համակարգը կգործի Հայաստանում
Հայաստանում տնտեսական գործունեության լավ տրամադրություն է ստեղծվել․Նիկոլ Փաշինյան
Էներգետիկա և տրանսպորտ․ Հայաստանն ու Իրանը կարող են վերակենդանացնել խոշոր ծրագրերը