Բավ է պառակտվել
17-11-2022 13:02

Ծառուկյանի կոնյակի գործարանը կտուգանվի շրջակա միջավայրին վնաս հասցնելու համար

Բնապահպանության և ընդերքի տեսչական մարմինը ստուգում է իրականացրել «Երևանի Արարատ կոնյակի-գինու-օղու կոմբինատ» ԲԲԸ-ում, հաղորդում է Բապահպանության և ընդերքի տեսչական մարմինը։

Արդյունքում պարզվել է, որ ընկերությունը շահագործել է 6 ջեռուցման կաթսա՝ առանց անշարժ աղբյուրներից աղտոտող նյութեր մթնոլորտ արտանետումների թույլտվության։ Տեսչական մարմնի որոշմամբ կասեցվել է առանց արտանետումների թույլտվության կաթսաների շահագործման գործողությունը։

Տնտեսավարողի նկատմամբ կկիրառվեն վարչական տուգանքներ, կներկայացվի շրջակա միջավայրին հասցված վնասի հատուցման պահանջ։

«Երևանի Արարատ կոնյակի-գինու-օղու կոմբինատը» հիմնադրվել է 1877 թվականին առաջին դասի վաճառական Ներսես Թաիրյանի կողմից։ 1991 թվականից՝ Խորհրդային Միության փլուզումից հետո, գործարանը գտնվում էր լքված վիճակում։ 2002 թվականին կոմբինատը վերականգնվել է։ Գործարանի նոր սեփականատեր է դարձել «Մուլտի գրուպ» կոնցեռնի հիմնադիր Գագիկ Ծառուկյանը։

Շրջակա միջավայրի փոխնախարարը պաշտոնից ազատման դիմում է ներկայացրել
Մեր աշխատանքները այս համատարած սենսացիոն և լայքաբեր տեղեկատվական հոսքերում տեղ չգտան․Էրիկ Գրիգորյան
Պայթյուն և հրդեհ Արմավիրի կոնյակի գործարանում. կան զոհեր
Նոյեմբերին Հայաստանում ամենաշատ թանկացած պարենային ապրանքների 5-յակը
ՀՀ կառավարությունը հաստատել է եկամուտների համընդհանուր հայտարարագրման համակարգի ներդրման նախագիծը