Բա՛վ է պառակտվել
21-02-2020 16:16

Միայն մեր երկրում չեն խրախուսում տեղական արտադրողին․ Սերգեյ Բագրատյան

Պետական գնումների համակարգի հիմնախնդիրներն ու դրանց լուծման ուղիներն էին այսօր քննարկվում խորհրդարանում: «Բարգավաճ Հայաստանից» Սերգեյ Բագրատյանը ոլորտում առկա պրակտիկան արատավոր որակեց: Նա օրենսդրական փոփոխությունների անհրաժեշտություն է տեսնում: Սերգեյ Բագրատյանը հայտարարեց, որ ոլորտը կարգավորող օրենքով այնպիսի գնումների գործընթաց է նախատեսված, որ մրցույթներոմ հաղթեն նախապես ընտրված դիմորդներ:

Խորհրդարանականի կարծիքով՝ նման մոտեցումն անհրաժեշտ է վերանայել:
«Եթե մրցույթի ժամանակ մի ընկերությունն իր արտադրանքի համար առաջարկել է վճարել 1 դոլար, իսկ մյուսը՝ 10 դոլար, ապա ստացվում է, որ միջին գինը կազմում է 5 դոլար: Հաղթանակը պետք է շնորհել այն ընկերությանը, որն առաջարկել է միջինին մոտ գին»,- շեշտեց պատգամավորը:
Նա սա որակեց ծիծաղելի, քանի որ յուրաքանչյուր գնում, ցանկության դեպքում կարելի է կատարել այդ հոդվածով, ինչը ռիսկային է։
«Նախապես ինչ-որ մեկին «աչքի տակ» ունենալով՝ կեղծ մրցույթ են կազմակերպում, այդ մեկի հետ պայմանագիր են կնքում: Այդ արատավոր պրակտիկան պետք է վերացնենք: Ինչպե՞ս պետք է վերացնենք՝ օրենսդրական փոփոխություններով»,- ասաց նա:

Պատգամավորը նկատեց, որ նման մրցույթները Հայաստանի տնտեսությունը հանգեցրել են ապրանքային շուկաների գերմոնոպոլիզացման և այդ ընթացքում 20 000 ապրանքատեսակ մոնոպոլիզացվել է։

Սերգեյ Բագրատյանը կարևորեց նաև գնումների գործընթացին տեղական արտադրողի մասնակցությունը։
Բագրատյանը նաեւ անդրադարձավ Եվրասիական տնտեսական միության շրջանակում անցկացվող մրցույթներին Հայաստանի մասնակցության հնարավորությանը: Խորհրդարանականի կարծիքով՝ Հայաստանն, ասես, այս մրցույթներից մեկուսացված է:

«Մենք փոքր շուկա ունենք, եթե թույլ տանք ազատ մրցակցության պայմաններում տեղական արտադրողին չպաշտպանել, կկորցնենք արտադրողին, որովհետև նրա համար առաջին խթանն այն է, որ իր արտադրանքը գնվի մրցույթի պայմաններում: Որևէ երկրում չեք տեսնի, որ տեղական արտադրողին չխրախուսեն, ՀՀ-ում չեն խրախուսում»,-շեշտեց պատգամավորը:

 

 

Արմինե Գևորգյան

Համավարակի ընթացքում մի շարք ապրանքների արտահանման արգելքները կազդեն նաև Հայաստանի վրա
Որոշ ապրանքներ կներմուծվեն զրոյական մաքսատուրքով
ՀՀ արտաքին պարտքի ավելացումը չի բացառվում․ Տիգրան Խաչատրյան
Տնտեսական կորուստները կլինեն Էական ․Էկոնոմիկայի նախարար
Հայաստանի կորոնավիրուսային վարակի հաղթահարման հատուկ հաշիվին է փոխանցվել շուրջ 1.6մլն․դոլար