Բա՛վ է պառակտվել
19-08-2019 13:10

Ռուսաստանի մաքսակետերում փոխվել են բեռների ստուգման կանոնները

Օգոստոսի 19-ին ուժի մեջ են մտնում ֆիտոսանիտարական հսկողության նոր կանոնները, որոնք փորձնական կարգով կգործեն մինչև 2022 թվականը: Դրանք նախատեսված են ՌԴ Կառավարության 2019 թվականի հուլիսի 17-ի թիվ 907 որոշմամբ՝ “ՌԴ Կառավարության 2016 թվականի օգոստոսի 13-ի թիվ 792 որոշման մեջ փոփոխություններ կատարելու մասին”:

Մրգերի, բանջարեղենի, սերմերի կամ բուսական ծագման այլ արտադրանքի քաշը հինգ կիլոգրամը գերազանցելու դեպքում կպահանջվի բուսասանիտարական վկայագիր: Դրա բացակայության դեպքում արտադրանքը կառգրավվի և կոչնչացվի։

Մաքսային ծառայությունը որոշման մասին կտեղեկացնի Ռոսսելխոզնադզորի միջգերատեսչական էլեկտրոնային փոխգործակցության միասնական համակարգի միջոցով: Վկայագիր կպահանջվի նաև Ռուսաստանի տարածք տնկիներ կամ կտրած ծաղիկներ ներմուծելիս: Առանց վկայականի թույլատրվում է ներմուծել ոչ ավելի, քան երեք ծաղկեփունջ, յուրաքանչյուրը բաղկացած առավելագույնս 15 ծաղկից:

Ստուգման կենթարկվեն նավերի, ինքնաթիռների, գնացքների, ինչպես նաև այդ փոխադրամիջոցների անձնակազմի անդամների ուղեբեռները: Բացի այդ, կստուգվեն նաև ավտոմեքենաները:

Այս կանոնները կկիրառվեն պետական սահմանի մի շարք անցակետերում, մասնավորապես՝ Վլադիվոստոկի Ազատ նավահանգստում։

Մաքսային ծառայողները մրգերի և բանջարեղենի առկայությունը ուղեբեռներում կստուգեն նաև երեք ավտոմոբիլային անցակետում: Դրանք են Վյարտսիլիա անցակետը Կարելիայում՝ Ֆինլանդիայի հետ սահմանին, Շումիլկինոն՝ Պսկովի մարզում Էստոնիայի հետ սահմանին և Յարագ-Կազմալյարը Դաղստանում՝ Ադրբեջանի հետ սահմանին:

Ի դեպ, բանջարեղենի, մրգերի և ծաղիկների տեղափոխման նույն կանոնները գործում են նաև այլ անցակետերում, միայն այնտեղ ուղեբեռների ստուգումն իրականացնում են “Ռոսսելխոզնադզոր” -ի ներկայացուցիչները։

Կանոնները տարածվում են բազմաթիվ մրգերի, օրինակ ՝ արքայախնձորի, թուզի, գուավայի, ավոկադոյի, մանգոյի, մանգոստանի, ծիրանի, բալի, դեղձի, սալորի, ցիտրուսային մրգերի վրա: Նույն կանոնները տարածվում են նաև տարբեր բանջարեղենի, օրինակ ՝ լոլիկի, կաղամբի, գազարի, վարունգի, կարտոֆիլի վրա:

Արդյո՞ք 2020 թ–ի բյուջեն արդարացնելու է սպասումները՝ քննարկում ԱԺ –ում
Արդյո՞ք կբարձրանա գազի ու էլեկտրաէներգիայի սակագինը
“Հուսով եմ, կոռուպսիայի դեմ պայքարի արդյունքները կուղղվեն Հայաստանի պաշտպանունակության ամրապնդմանը”․ Նիկոլ Փաշինյան
Գազի նոր գին այս տարի չենք ունենա․ Գարեգին Բաղրամյան
Պետբյուջեից հարկատուների հաշվին որեւէ գումար չի հատկացվում նոր ավիաընկերությանը․ Ավինյան