Բավ է պառակտվել
05-02-2021 16:26

Նոր բջջային հավելվածը կօգնի միգրանտներին ԵԱՏՄ-ից․ Տիգրան Սարգսյան

Եվրասիական զարգացման բանկի վարչության նախագահի տեղակալ Տիգրան Սարգսյանը խոսել է բջջային հավելվածի մասին, որը կպարզեցնի անհրաժեշտ փաստաթղթերի ձեռքբերումն ու աշխատանք գտնելու խնդիրները միգրանտների համար:

Ռուսաստանի վարչապետը Almaty Digital Forum 2021-ին ներկայացրեց բջջային հավելված, հայտնել է Տիգրան Սարգսյանը:

Նրա խոսքով` «Աշխատանք առանց սահմանների» նախագծի ուղղությամբ աշխատանքը մեկնարկել է Եվրասիական տնտեսական միության հանձնաժողովում Ղազախստանի նախաձեռնությամբ։

«Մեզ առաջարկել էին մշակել թվային լուծում, որը թույլ կտար երկրներին տեղեկություններ ն փոխանակել թափուր տեղերի մասին ու այդ տեղեկությունները տրամադրել բոլոր սպառողներին։ Մենք այդ նախագիծը որպես առաջնահերթություն ընտրեցինք։ Միջկառավարական խորհուրդը հաստատեց նախագիծը, որը հաջողությամբ իրականացվեց հանձնաժողովի, Եվրասիական հանձնաժողովի թվային գրասենյակի շրջանակում», - ասել է Սարգսյանը։

Հետագայում Ռուսաստանի վարչապետն առաջարկել է կատարելագործել պլատֆորմն ու միգրանտների համար հավելված գործարկել, քանի որ այդ հավելվածն ավելի հարմար գործիք կլինի բոլորի համար աշխատանք փնտրելու, պետական ծառայությունների հետ թվային շփման, սահմանը հատելու և անհրաժեշտ փաստաթղթեր ստանալու տեսանկյունից:
«Դա, իհարկե, մեզ շատ ոգեշնչեց, և այդ գաղափարը սկսեցինք իրագործել արդեն Եվրասիական զարգացման բանկի թվային նախաձեռնությունների հիմնադրամի շրջանակում։ ՌԴ կառավարության ղեկավարն այսօր ներկայացրեց արդեն լրամշակված նախագիծը», - պարզաբանել Է Սարգսյանը։

Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության մասնակիցներն են Ռուսաստանը, Հայաստանը, Բելառուսը, Ղազախստանը և Ղրղզստանը:

Արմեն Սարգսյանը նամակ է հղել Վլադիմիր Պուտինին
Հայաստանում կթույլատրվի արտադրական կանեփի արտադրությունն ու վաճառքը
Փաշինյանը կմեկնի Կազան՝ մասնակցելու Եվրասիական միջկառավարական խորհրդի նիստին
Բերք՝ ամեն շաբաթ․ Հայաստանի գյուղինստիտուտը նոր տեխնոլոգիայով գարի կաճեցնի
Հայ փորձագետները ներկայացրել են Ռուսաստանի միգրացիոն քաղքականության հնարավոր փոփոխությունները