Բա՛վ է պառակտվել
11-09-2019 17:30

Փաշինյանը բարձրաձայնել է Մեղրիում ազատ տնտեսական գոտու գործարկման խնդիրները

Հայաստանի վարչապետ նիկոլ Փաշինյանը չորեքշաբթի կառավարության ժամի ընթացքում պատասխանել է “Բարգավաճ Հայաստան” խմբակցության պատգամավոր Միքայել Մելքումյանի հարցերին՝ կապված Մեղրիի ԱՏԳ գործարկման հետ։

“Ես անցած տարի այցելել եմ Մեղրի և պարզել, որ ազատ տնտեսական գոտին չունի հողատարծք։ Նախկին պարձրաստիճան պաշտոնյաները, լսելով, որ ԱՏԳ է ստեղծվելու՝ շատ արագ սեփականաշնորհել են հարակից հողերը։ Հարուցվել է քրեական գործ սեփականոշնորհումը անօրինական ճանաչելու համար։ Ներկայումս ընթանում է դատավարություն”,- ասել է Փաշինյանը։

Ինչ վերաբերում է սահմանային պարեկային ծառայությանն, ապա, ըստ նրա, իրանական և հայկական կողմերը քննարկում են խնդիրը։

“Դուք գիտեք, որ գոյություն ունի “Մեղրի” սահմանային անցակետի արդիականացման մեծ ծրագիր։ Մեր հաշվարկներով, այն կարող է իրականացվել 2023 թվականին։ Մինչ այդ մենք կվերադարձնենք հողատարածքները։ Ինչ վերաբերում է շինարարության արժեքին, այստեղ տարաձայնություններ կան։ Շինարարական կազմակերպությունը կարծում է, որ պետք է ավելի շատ ստանա, բայց նախագծով ավելի քիչ է եղել։ Մենք կփորձենք լուծել նաև այս խնդիրն”,- ասել է Փաշինյանը։

Ինչպես ավելի վաղ հաղորդվել էր, Մեղրիում ազատ տնտեսական գոտու կառուցման ընդհանուր արժեքը գնահատվում է 32 միլիոն դոլար, որից 28 միլիոն դոլարը կապիտալ ծախսեր են: Սա տնտեսական զարգացման և ներդրումների նախարարության գերակա ներդրումային ծրագրերից մեկն էր, որը նախատեսում էր 10-15 հա տարածքով ազատ տնտեսական գոտու ստեղծում՝ մինչև 45-50հա հետագա ընդլայնման հնարավորությամբ։

Էկոնոմիկայի նախարարության նախնական հաշվարկներով, ԱՏԳ գործարկումը հնարավորություն կտա ստեղծել 2,5հազ աշխատատեղ և 30 տոկոսով ավելացնել Հայաստանից արտահանումը։։ Գոտու ստեղծման հիմնական նպատակը Իրանի և տարածաշրջանի երկրների հետ ապրանքատնտեսական հարաբերությունների զարգացումն է, Սյունիքի մարզի զարգացումն, ինչպես նաև Հայաստանի դիրքավորումը որպես Իրանը ԵՏՄ երկրների և Վրաստանի հետ կապող օղակ։

Ենթադրվում է, որ այնտեղ կգործի 100-120 ընկերություն, որոնց հասույթը 10 տարվա ընթացքում կկազմի 52 միլիոն դոլար: Արտադրված արտադրանքը նախատեսվում է արտահանել Իրան, ԵՏՄ երկրներ, Մերձավոր Արևելք, Թուրքմենստան և այլք: 10 տարվա ընթացքում բոլոր ընկերությունների ընդհանուր ներդրումները նախատեսվում է հասցնել 350-400 միլիոն դոլարի:

ԱՏԳ գործարկումն արդեն ամրագրված է ԵՏՄ մաքսային օրենսգրքով: Ընդհանուր առմամբ, ԵՏՄ-ում duty-free համակարգով կգործի յոթ այդպիսի գոտի:

Արդյո՞ք 2020 թ–ի բյուջեն արդարացնելու է սպասումները՝ քննարկում ԱԺ –ում
Արդյո՞ք կբարձրանա գազի ու էլեկտրաէներգիայի սակագինը
“Հուսով եմ, կոռուպսիայի դեմ պայքարի արդյունքները կուղղվեն Հայաստանի պաշտպանունակության ամրապնդմանը”․ Նիկոլ Փաշինյան
Գազի նոր գին այս տարի չենք ունենա․ Գարեգին Բաղրամյան
Պետբյուջեից հարկատուների հաշվին որեւէ գումար չի հատկացվում նոր ավիաընկերությանը․ Ավինյան