Բավ է պառակտվել
22-03-2022 20:51

Ռուսական ավիաընկերությունների շուրջ 80 ինքնաթիռ է կալանավորվել արտասահմանում հակառուսական պատժամիջոցների պատճառով

Ռուսական ավիաընկերությունների շուրջ 80 ինքնաթիռ է կալանավորվել արտասահմանում հակառուսական պատժամիջոցների պատճառով Ինտերֆաքսի հաղորդմամբ՝ այս մասին ասել է ՌԴ տրասպորտի նախարար Վիտալի Սավելևը։

«Մենք երկրում ունեցել ենք ընդհանուր առմամբ 1367 ինքնաթիռ (մինչ պատժամիջոցները՝ ԻՖ): Կորցրել ենք 78-ը, դրանք չվերթների ժամանակ կալանավորվել են»,- ասել է Սավելևը Դաշնային խորհրդի տնտեսական քաղաքականության կոմիտեի նիստի ժամանակ։ Օդանավերը կալանավորվել են, այդ թվում՝ Ռուսաստանի Դաշնությանը բարեկամ երկրներում՝ Թուրքիայում, Ադրբեջանում, Հայաստանում, նշել է նա։

Սավելևի խոսքով՝ Ռուսաստանի Դաշնությունը փորձում է օդանավերի հետգնման շուրջ բանակցել արևմտյան լիզինգային ընկերությունների հետ, սակայն նրանք բանակցությունների չեն գնում։ Այս պայմաններում Ռուսաստանի Դաշնությունը սկսեց նավատորմը տեղափոխել ռուսական ռեգիստր։

«Մենք արդեն փոխանցել ենք (ռուսական ռեգիստր՝ ԻՖ) գրեթե 800 մեքենա, ապահովագրում ենք դրանք ռուսական վերաապահովագրական ընկերություններում, որոնք գործում են Կենտրոնական բանկի ենթակայությամբ, ինքնաթիռները մնացել են: Մենք օրինական ուղիներ ենք փնտրում լիզինգատուների հետ բանակցելու և այդ հարցը լուծելու համար, բայց դեռևս չի հաջողվում։ Կա արգելք և վերադարձի պահանջ, նրանք չեն ցանկանում բանակցել վճարման փոխհատուցման և ռուսական ավիաընկերությունների կողմից նրանցից օդանավերը որպես սեփականություն հետ գնելու վերաբերյալ», - ասել է Սավելևը։

«Այնուամենայնիվ, մենք հույսը չենք կորցնում և դրանք չենք տալիս։ Որովհետև հրաժարվել դրանցից՝ նշանակում է մնալ առանց ավիացիայի։ Դուք դա հասկանում եք, և, հետևաբար, կառավարությունը նման որոշում է կայացրել»,- հավելել է նա։

Թռիչքները շարունակվում են, բայց ինչ-որ պահի ավիափոխադրողներին կպահանջվեն ինքնաթիռների փոխարինող մասեր, խոստովանեց նախարարը։ Նրա խոսքով՝ իշխանությունները լուծում են փնտրում այս հարցում՝ ներկայումս կենտրոնանալով երկար տարիներ պատժամիջոցների տակ գտնվող Իրանի փորձի վրա։

Մարտի սկզբին մի շարք աղբյուրներ գրեցին, որ Երևանում կալանավորվել է S7 ավիաընկերության ինքնաթիռներից մեկը։ Մյուսներն գրել էին, որ Հայաստանի մայրաքաղաք թռչող Siberia Airlines-ի ինքնթիռը հարկադրված վայրէջք է կատարել Միներալնիե Վոդի օդանավակայանում։ Նշված միջադեպի մասին վկայեցին նաև այդ չվերթի որոշ ուղևորներ։

Արդյո՞ք Հայաստանի երկինքը փակ է ռուսական ինքնաթիռների համար. իրավիճակի վերլուծություն
Լաստանավային հաղորդակցությունը կսկսի գործել օգոստոսից․ Հայաստանի էկոնոմիկայի նախարար
ԱՄՆ գանձապետարանը Հայաստանը ներառել է այն երկրների ցանկում, որոնց միջոցով ապրանքները կարող են առաքվել Ռուսաստան և Բելառուս
Հայաստանի էկոնոմիկայի նախարարը ռուսական բիզնեսին նոր տեխնոպարկ է հրավիրել
Վրաստանն արգելել է ցորենի և գարու արտահանումն այդ թվում՝ Հայաստան