Բա՛վ է պառակտվել
14-10-2019 17:43

Չինաստանի ամենատարածված UnionPay վճարային համակարգը կգործի Հայաստանում

Չինաստանի UnionPay վճարային համակարգը կգործի Հայաստանում, ասել է երկուշաբթի էկոնոմիկայի նախարար Տիգրան Խաչատրյանը 2019թ․8 ամսվա նախարարության աշխատանքի արդյունքների ամփոփմանը նվիրված մամլո ասուլիսում։

“Հայաստանում տեղի է ունեցել հայ-չինական միջկառավարական հանձնաժողովի նիստ, որի ընթացքում քննարկվել է կարևոր հարց` Հայաստանում UnionPay համակարգի կիրառման համար բարենպաստ պայմանների ստեղծումը: Դա էապես կբարձրացնի հանրապետությունում չինացի զբոսաշրջիկների գտնվելու հարմարավետությունն”, - ասել է նախարարը:

Նրա խոսքով՝ սա Չինաստանի ամենատարածված վճարային համակարգն է և միակն է, որը չինացի զբոսաշրջիկները կարող են օգտագործել արտասահմանում:

“Երբ այս համակարգը սկսի գործել, Հայաստանում գտնվելիս նրանք ավելի քիչ սահմանափակումներ կունենան, ինչը կնպաստի այդ երկրից զբոսաշրջիկների այցելությունների աճին”,- ասել է Խաչատրյանը։

Պատասխանելով “ԱՌԿԱ”-ի թղթակցի հարցին նախարարը տեղեկացրել է, որ զբոսաշրջիներին գրավելու նպատակով Չինաստանում կկազմակերպվեն մշակութային միջոցառումներ, փառատոներ, որոնք կոչված են ծանոթացնել տեղի բնակչությանը հայկական մշակույթի հետ և դրդել նրանց այցելել Հայաստան։

UnionPay- ը Չինաստանի ազգային վճարային համակարգ է, որը հիմնադրվել է 2002 թ.-ին՝ որպես ՉԺՀ բանկերի ասոցիացիա: Ստեղծման նախաձեռնողներն են եղել Չինաստանի Պետական խորհուրդը և Ժողովրդական բանկը: UnionPay համակարգի օգտատերերը կարող են օգտվել վճարային համակարգի ծառայություններից աշխարհի 174 երկրում:

Գյումրիում կբացվի հայ-չինական սեյսմիկ լաբորատորիա
Արդյո՞ք կբարձրանա գազի ու էլեկտրաէներգիայի սակագինը
“Հուսով եմ, կոռուպսիայի դեմ պայքարի արդյունքները կուղղվեն Հայաստանի պաշտպանունակության ամրապնդմանը”․ Նիկոլ Փաշինյան
Գազի նոր գին այս տարի չենք ունենա․ Գարեգին Բաղրամյան
Պետբյուջեից հարկատուների հաշվին որեւէ գումար չի հատկացվում նոր ավիաընկերությանը․ Ավինյան