Բա՛վ է պառակտվել
20-11-2019 15:36

«Լուսավոր Հայաստան-ը» վերջնական որոշում չունի պետբյուջեի նախագծի քվեարկության հարցում


ԼՀԿ պատգամավոր Արկադի Խաչատրյանն ասում է, որ խմբակցությունը Հայաստան վերջնական որոշում չունի 2020-ի պետբյուջեի նախագծի քվեարկության հարցում: Նրանք ներկայացրել են 150-ից ավելի առաջարկ։ Իրենց ելույթներում մատնանշել են բյուջեի դրական և բացասական կողմերը:
«Բացասական առումով հիմնական շեշտադրումները ուղղված են նրան, որ պետք է միջոցներ ձեռնարկենք՝ բյուջեում ծախսային ծրագրեր նախատեսելու, արդյունաբերական, տեխնոլոգիական վերազինման համար. անհրաժեշտ են ծախսային ծրագրեր, որոնք կաջակցեն տնտեսության կառուցվածքային բարեփոխումներին, որի արդյունքում էլ կունենանք ՀՆԱ կառուցվածքի փոփոխություն՝ շեշտակի մեծացնելով արտահանելի հատվածը»,- նշել է պատգամավորը։
Իսկ Բարգավաճ Հայաստան» խմբակցության պատգամավոր Արտյոմ Ծառուկյանն էլ ասում է,որ 2020 թվականի բյուջեն տնտեսական հեղափոխության հետ որևէ կապ չունի։ Իսկ
Իվետա Տոնոյանն էլ նշեց,որ արտախորհրդարանական ընդդիմադիր ուժերը գոյության և սեփական տեսակետներն արտահայտելու իրավունք ունեն, սակայն ԲՀԿ-ն սեփական օրակարգն ունի և առաջնորդվում է բացառապես այդ օրակարգով։
Իսկ ինչու է ԲՀԿ –ն դեմ քվերարկել ենթամշակույթի վերաբերյալ օրինագծին՝ Իվետա Տոնոյանը նշեց, որ օրենքին դեմ քվեարկելն իրենց կողմից ամենևին չի վերաբերում անձերին կամ «օրենքով գողերին»:
Տոնոյանը նշեց, որ ցանկացած հանցանք պետք է պատժելի լինի, սակայն այս դեպքում երբ օրենքը ծայրից ծայր խոցելի է, բազմաթիվ լուրջ խնդիրներ կան:
«Օրինակ` ինչ է նշանակում քրեական աշխարհում կարգավիճակի չափելիություն, դա վկայականով տրվող գործընթա՞ց է: Մենք լուրջ մտահոգություններ ունենք, այդ իսկ պատճառով դեմ ենք քվեարկել»,- ասաց պատգամավորը։

Արդյո՞ք 2020 թ–ի բյուջեն արդարացնելու է սպասումները՝ քննարկում ԱԺ –ում
Մանիպուլացիոն Երևանի 2020 թ. բյուջեն
«Ես խնդիր եմ տեսնում մեր երկրի առաջին դեմքի բառապաշարի հետ կապված»․Գևորգ Գորգիսյան
«Լուսավոր Հայաստան» խմբակցությունը՝ հանրաքվեի մասին (Տեսանյութ)
Առաջիկա խաղերում Հայաստանը բոլորին կապացուցի, որ կարող է անցնել Եվրո -2020. Մխիթարյան