Բրիտանա-հոլանդական նաֆտագազային Shell ընկերությունը հայկական շուկա մուտք կգործի 2023 թվականի մարտից։
Ինչպես հաղորդում է Invest Armenia-ն՝ Shell-ը հաստատել է Հայաստանում գազալցակայանների ցանցի գործարկումը 2023 թվականի մարտից։ Նշվում է, որ ընկերության գազալցակայանները կհամապատասխանեն որակի և այլ ամենաբարձր չափանիշներին։ Բենզինն ամբողջությամբ ներկրվելու է Հունաստանից։
2022 թվականի նոյեմբերին Հայաստանի էկոնոմիկայի նախարար Վահան Քերոբյանը ընկերության ղեկավարության հետ հանդիպմանը հայտարարեց, որ ՀՀ կառավարությունը պատրաստ է նպաստել Shell-ի մուտքին հայկական շուկա։