Բավ է պառակտվել
15-07-2021 17:10

Ապրիլ-մայիս ամիսներին աճել են Ռուսաստանից Հայաստան դրամական փոխանցումները

Կորոնավիրուսով պայմանավորված սահմանափակումները վերացնելուց հետո աշխատանքային միգրանտները կրկին սկսեցին մեկնել Ռուսաստան: Կա ևս մեկ առանձնահատկություն. վերջին 10 տարվա ընթացքում ավելի շատ գումար է մուտք լինում ոչ թե սեզոնային աշխատողներից, այլ Ռուսաստանում քաղաքացիություն ստացած և հաշվառման կանգնած հայերից:

2021-ի հունվար-մայիս ամիսներին քաղաքացիների Ռուսաստանից Հայաստան փոխանցումներն աճել են: Այդ մասին վկայում է ՀՀ կենտրոնական բանկի վիճակագրությունը: Ընդհանուր առմամբ, այս ժամանակահատվածում Ռուսաստանից Հայաստան փոխանցումները կազմել են գրեթե 290 միլիոն դոլար, մինչդեռ 2020 թվականի հունվար-մայիսին ՝ շուրջ 243 միլիոն դոլար:

Միևնույն ժամանակ, առաջին եռամսյակում (հունվար - մարտ) տրանսֆերտները նվազել են շուրջ 6% -ով (164մլն․ դոլարից մինչև 154 մլն դոլար): Նմանատիպ վիճակագրություն է գրանցում նաև «Բանկ Ռոսիի»-ին: Այդ տվյալների համաձայն՝ 2021 թվականի առաջին եռամսյակում Ռուսաստանից Հայաստան է փոխանցվել շուրջ 151 միլիոն ԱՄՆ դոլար:

Դա պայմանավորված է նրանով, որ 2020 թ.-ի առաջին եռամսյակը հիմնականում նախաճգնաժամային էր, աշխատանքային միգրանտներն, ընդհանուր առմամբ, աշխատում և վճարվում էին սովորական ռեժմով։ 2020-ի ապրիլ-մայիս ամիսներին, արգելափակումների սկսվելուն պես, զգալիորեն տուժեցին առևտրի, ծառայությունների և շինարարության ոլորտները, դրանց հետևանքով միգրանտների (ինչպես նաև հարազատներին գումար փոխանցող Ռուսաստանում մշտապես բնակվող հայերի) եկամուտները:

Այժմ դեպի Հայաստան տրանսֆերտները ակտիվորեն վերականգնվում են (սահմանների բացվելուն և սեզոնային աշխատողների Ռուսաստան մեկնելուն համընթաց): Ըստ ՀՀ Կենտրոնական բանկի տվյալների, 2021 թվականի ապրիլ-մայիս ամիսներին Ռուսաստանից փոխանցումներն աճել են գրեթե 70% -ով (78-ից 135 մլն դոլար):

Նշենք, որ «Բանկ Ռոսիի»ճի տվյալներով Ռուսաստանից Հայաստան փոխանցումների հիմնական մասը կատարում են Ռուսաստանի Դաշնության ռեզիդենտները: 2021 թվականի առաջին եռամսյակում նրանց բաժինը կազմել է գրեթե 80%: Մոտ 10 տարի առաջ ռեզիդենտներից և ոչ ռեզիդենտներից տրանսֆերտների հարաբերակցությունը գրեթե հավասար էր, բայց տարիների ընթացքում Ռուսաստանի Դաշնության ռեզիդենտների մասնաբաժինն անշեղորեն աճեց (ըստ երևույթին Հայաստանից Ռուսաստան բնակության մեկնելուն զուգահեռ՝ խմբ.): Միևնույն ժամանակ, որոշ Ռուսաստան սեզոնային աշխատանքի մեկնողների մի մասը դիմում են Ռուսաստանի Դաշնության քաղաքացիություն և մշտական բնակության ստանալու համար (օրինակ ՝ մի քանի տարվա աշխատանքից հետո) և, ըստ ռուսական վիճակագրության, արդեն հաշվառնում են որպես ՌԴ ռեզիդենտ։

Մայիսի 15-ից Ռուսաստանից կանոնավոր չվերթներ տեղի կունենան դեպի Հայաստան
Կտրուկ ավելացել է Հայաստանից Ռուսաստան արտագաղթողների թիվը
Հայաստանն ու Ռուսաստանը կբացեն իրենց սահմանները երկու երկրների քաղաքացիների համար. Գրիգորյան
Հայաստանից մեկնած վարորդներին կթույլատրվի տաքսի վարել Ռուսաստանում
Հայաստանի ղեկավարությունը դաշնակցային պարտավորությունների կատարման վերաբերյալ հարցեր չունի Ռուսաստանի հետ. Վլադիմիր Պուտին