Բավ է պառակտվել
02-09-2020 11:55

Մեկ ամսվա ընթացքում Հայաստանում բենզինի գինը բարձրացել է 3.9 տոկոսով



«Այս տարվա հուլիսին, հունիսի համեմատ, Հայաստանում բենզինի գինը բարձրացել է 3.9 տոկոսով, իսկ դիզելային վառելիքինը՝ 3.6 տոկոսով: Այսօր հայաստանյան բենզալցակայաններում ռեգուլյար տեսակի բենզինի մեկ լիտրն արժե 340 դրամ, իսկ պրեմիումը՝ 360 դրամ, մինչդեռ հուլիսին ռեգուլյար տեսակի բենզինը վաճառվում էր լիտրը 300 դրամով:

«Ժողովուրդ» օրաթերթը դիմել է ՀՀ տնտեսական մրցակցության պաշտպանության պետական հանձնաժողով և հետաքրքրվել՝ հիմնավոր է արդյոք բենզինի գնի բարձրացում, թե ոչ:
Թերթի հարցին ի պատասխան՝ հանձնաժողովից փոխանցեցել են, որ իրենք մշտապես հետևում են բենզինի շուկայում տեղի ունեցող փոփոխություններին, այդ թվում՝ գնային փոփոխություններին: Բացի այս, ՏՄՊՊՀ-ից տեղեկացրել են, որ եթե արձանագրվեն շեղումներ, ապա հանձնաժողովը օրենքով սահմանված կարգով վարչական վարույթ կհարուցի, և հստակ գնահատականներ կտրվեն տնտեսվարողների գործունեությանը:
Հիշեցնենք՝ այս տարվա հուլիսի 2-ին կառավարության նիստին քննարկվեց «ՀՀ և Ղազախստանի կառավարությունների միջև ՀՀ նավթամթերքի մատակարարումների բնագավառում առևտրատնտեսական համագործակցության մասին» համաձայնագրի նախագիծը, փոխվարչապետ Տիգրան Ավինյանը հույս հայտնեց, որ Ղազախստանից էժան վառելիքի ներկրման արդյունքում ՀՀ վառելիքի շուկայում մրցակցություն կստեղծվի: Սակայն պետք է ներպետական ընթացակարգերով վավերացվի ստորագրված համաձայնագիրը, ինչից հետո հայտնի կդառնա, թե ինչ ծավալի նավթամթերք է մտադիր Հայաստանը ներկրել Ղազախստանից: Ինչպես ասում են, բենզինի գնի նվազումը յոթ սարի հետևում է»,-գրում է թերթը։

Հայաստանում նշել են բենզինի և դիզվառելիքի գների փոփոխության պատճառները և չեն բացառել թանկացումները
Հոսանքի գինը հաջորդ տարի կբարձրանա՞
Հայաստանում սպասվում է էլեկտրաէներգիայի սակագների բարձրացում
Հայաստանում մայիսին տարեկան կտրվածքով ամենաշատ թանկացած պարենային ապրանքների յոթնյակը
Ու՞մ համար գազի գինը կբարձրանա