Գրեթե մեկամսյա անդորրից հետո ռուսական արժույթի շուկան կրկին սկսել է անկում ապրել, հայտնում է *The Moscow Times*-ը։ Forex-ում դոլար-ռուբլի փոխարժեքը հինգշաբթի օրը անցած տարվա հոկտեմբերից ի վեր առաջին անգամ գերազանցեց 100 ռուբլին, իսկ Մոսկվայի բորսայում յուանի փոխարժեքը մոտեցավ տարեկան առավելագույնին: LSEG-ի տվյալներով՝ Forex-ում դոլարը հասել է 100,72 ռուբլու, եվրոյինը՝ 105,63 ռուբլու։
Ռուսաստանի միջբանկային շուկայում, որտեղ արժույթները վաճառվում են մոսկովյան բորսայի դեմ պատժամիջոցների սահմանումից հետո, դոլարը դեռ չի հատել խոշոր գործարքների համար 100 ռուբլու շեմը, չնայած որոշ բանկեր հաճախորդների հետ գործարքներ են կնքել 100 ռուբլուց բարձր փոխարժեքով. -ին հայտնել է Reuters-ը: Յուանի փոխարժեքը բարձրացել է մինչեւ 13,72 ռուբլի՝ հոկտեմբերի նոր ռեկորդից զիջելով 8 կոպեկով։
Ռուբլու թուլացումը բացատրվում է արտաքին առևտրի բացասական գործոններով, նշել է BCS-ի վերլուծաբան Դմիտրի Բաբինը։ Կենտրոնական բանկի տվյալներով՝ հոկտեմբերին արտահանման եկամուտները սեպտեմբերի համեմատ նվազել են 10%-ով՝ կազմելով 36 մլրդ դոլար, իսկ ապրանքաշրջանառության հավելուրդը 12,6 մլրդ դոլարից նվազել է 11,8 մլրդ դոլարի։