Ռուսաստանում դոլարի արտաբորսային փոխարժեքը օգոստոսի վերջից ի վեր առաջին անգամ իջել է 85 ռուբլուց, գրում է РИА Новости-ն՝ վկայակոչելով առևտրի տվյալները։
Մոսկվայի ժամանակով ժամը 14:05-ի դրությամբ ամերիկյան արժույթը նախորդ փակման համեմատ էժանացել է 1,63 ռուբլով՝ հասնելով 85,20 ռուբլու։ Ավելի վաղ սակարկությունների ընթացքում փոխարժեքը իջել էր մինչև 84,97 ռուբլի, ինչը նվազագույն արժեքն էր օգոստոսի 30-ից ի վեր։
Միաժամանակ յուանը օրը սկսել է անկումով՝ տասը կոպեկով իջնելով մինչեւ 11,88 ռուբլի, նշում է ռուսական հրատարակությունը։
Անցյալ տարվա ամառվանից՝ Մոսկվայի բորսայում դոլարի առուվաճառքի դադարեցումից հետո, ռուբլու հիմնական հենանիշը մնում է յուանի փոխարժեքը։ Չինական արժույթով առևտուրը բորսայում տեղի է ունենում Մոսկվայի ժամանակով ժամը 10:00-ից մինչև 19:00-ն, իսկ դոլարի փոխարժեքը որոշվում է յուանի և ռուբլու և դոլարի նկատմամբ յուանի հարաբերակցությամբ Forex-ում: Այս մեխանիզմը ծառայում է որպես Ռուսաստանում արտաբորսային դոլարով գործարքների հիմնական ցուցիչ։