Սյունիքում աշխատանքային այցով գտնվող Հայաստանի տարածքային կառավարման և ենթակառուցվածքների փոխնախարար Հովհաննես Հարությունյանն այցելել է «Զանգեզուրի պղնձամոլիբդենային կոմբինատ» ՓԲԸ։
Փոխնախարարը ծանոթացել է արտադրական պրոցեսին, նրան ներլկայացվել են ընկերության զարգացման հնարավորությունները և պլանները։
Զանգոեզուրի պղնձամոլիբդենային կոմբինատը
Զանգեզուրի պղնձամոլիբդենային կոմբինատը Հայաստանի խոշորագույն ընկերություններից է և երկար տարիներ գտնվում է խոշոր 1000 հարկատուների ցուցակում։ ԶՊՄԿ-ն արդյունաբերական ձեռնարկություն է, որը տեղակայված է Քաջարան քաղաքի մոտ (Սյունիքի մարզ՝ Հայաստանի հարավում, սահմանակից է Իրանին և Ադրբեջանին), որը շահագործում է Քաջարանի պղնձամոլիբդենային հանքավայրի հանքաքարը։ Գործարանի հանքաքարով ապահովումը մոտ 150 տարի է։
2021 թվականի սեպտեմբերին GeoProMining Armenia-ի 100% դուստր ձեռնարկությունը՝ Industrial Company JSC-ը, ձեռք բերեց ԶՊՄԿ-ի 60% բաժնեմասը, որի 25%-ը նվիրաբերեց Հայաստանի կառավարությանը։
Այսպիսով, Հայաստանի կառավարությունը դարձավ ԶՊՄԿ-ի բաժնետոմսերի 15%-ի սեփականատեր, որի կառավարումը 2022 թվականի հունվարից փոխանցվեց Հայաստանի պետական հետաքրքրությունների ֆոնդին (ANIF)՝ պահպանելով պետական սեփականության իրավունքը։