Բավ է պառակտվել
28-04-2021 10:32

Հայաստանն ու Ռուսաստանը կըդլայնեն համագործակցությունը տիեզերական տեխնոլոգիաների ոլորտում

Հայաստանը և Ռուսաստանը կարող են ընդլայնել համագործակցությունը տիեզերական տեխնոլոլգիաների նախագծման և մշակման ոլորտում։ Նման առաջարկով է հանդես եկել Ռոսկոսմոսի ղեկավար Դմիտրի Ռոգոզինը Հայաստանի ԱԽ քարտուղար Արմեն Գրիգորյանի հետ Մոսկվայում հանդիպման ժամանակ։

Ռոգոզինը բարձր է գնահատել հայ-ռուսական համագործակցությունը տիեզերական մոնիթորինգի ոլորտում, հայտնում է Հայաստանի ԱԽ մամլո ծառայությունը։

Կողմերը պայմանավորվել են ստեղծել աշխատանքային խումբ` հայ-ռուսական փոխգործակցության ուղղությունները ճշգրտելու և հետագա գործողությունները որոշելու համար:

Շնորհավորելով Ռոգոզինին Տիեզերքի միջազգային օրվա կապակցությամբ, որի 60-ամյակը նշվեց ապրիլի 12-ին, Գրիգորյանը շեշտել է, որ Ռուսաստանը առաջատար տեղ է զբաղեցնում ավիատիեզերական արդյունաբերության մի շարք ոլորտներում։

Այս առումով նա կարևորել է հայ-ռուսական համագործակցությունը՝ նշելով, որ Հայաստանը տիեզերական գործունեության զարգացման համատեքստում առաջնահերթ է համարում Ռուսաստանի Դաշնության հետ փոխշահավետ համագործակցությունը:

Խոսելով Հայաստանում ոլորտի զարգացման հեռանկարների մասին՝ Գրիգորյանը նշել է, որ հանրապետությունն ընդունել է «Տիեզերական գործունեության մասին» օրենք, որի արդյունքում ոլորտի ընկերությունները կստանան մի շարք հարկային արտոնություններ:

Հանդիպման ավարտին Ռոգոզինը հայկական կողմին հրավիրել է մասնակցել հունիսի 14-18-ը Սանկտ Պետերբուրգում կայանալիք տիեզերական հետազոտությունների միջազգային խորհրդաժողովին (GLEX-2021):

Նա ընդգծել է, որ Հայաստանի ներկայությունը նման հարթակներում հնարավորություն կտա այս ոլորտում համագործակցության նոր համաձայնագրեր ձեռք բերել:

Կողմերը պայմանավորվել են ամփոփել աշխատանքային խմբի աշխատանքի արդյունքներն ամռանը՝ Ռոգոզինի Հայաստան այցի ժամանակ։

Հայաստանի և Ռուսաստանի ռազմատեխնիկական համագործակցությունը փոխգործակցության տրամաբանություն ունի․ Զ․ Մնացականյան
Հայաստանը և Ռուսաստանը ստորագրել են պաշտպանության ոլորտում համագորակցության 2020թ․ ծրագիրը
Սինգապուրում հայտարարել են Հայաստանի հետ տնտեսական համագործակցության պատրաստակամության մասին
Հայաստանն ու Ռուսաստանը կբացեն իրենց սահմանները երկու երկրների քաղաքացիների համար. Գրիգորյան
Հայաստանը Ռուսաստանից ստացել է «Սպուտնիկ V» պատվաստանյութի առաջին խմբաքանակը