ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնի աշխատակիցները հինգշաբթի բողոքի ցույց են անցկացրել կառավարության շենքի դիմաց։
Նրանք հանդիպում էին պահանջում հանրապետության վարչապետ Նիկոլ Փաշինյանի հետ։
Ակցիայի պատճառը նախկինում գիտական կենտրոնին պատկանող լողավազանի տեղում բարձրահարկ շենքի կառուցումն է։ Նրանք առաջին անգամը չէ, որ վրդովմունք են հայտնում երկրի համար մեծ նշանակություն ունեցող գիտական աշխատանքի պայմանների վատթարացումից։
Գիտնականները բազմիցս նշել են, որ նման պայմաններում չեն կարող աշխատել լաբորատորիայում՝ նշելով նաև, որ թանկարժեք սարքավորումները ցնցվում են շինարարական տեխնիկայի աշխատանքից։
