Հայ գիտնականները ստեղծել են սարք, որը որոշում է մարդու հոգնածության աստիճանը և հոգեբանական վիճակը։
Այն մշակել են ՀՀ ԳԱԱ Ֆիզիկական հետազոտությունների ինստիտուտի գիտաշխատողները «Փի Էս Այ» ընկերության աջակցությամբ և ԵՊՀ Ֆիզիկայի ֆակուլտետի ու ՀՀ ԳԱԱ Լևոն Օրբելու անվան ֆիզիոլոգիայի ինստիտուտի գիտաշխատողների հետ համագործակցությամբ, հայտնում է ՀՀ ԳԱԱ մամուլի ծառայությունը։
«Ստաբիլոգրաֆ» կոչվող սարքը ունի 8 նոր՝ SFCO (Single-layer Flat-Coil-Oscillator) սենսոր։ Սարքի կիրառման ոլորտներն են բժշկություն՝ նյարդաբանական զննում, հետինսուլտային ռեաբիլիտացիա, վեստիբուլյար ապարատի խախտումների բուժում, սպորտ/ֆիթնես՝ հոգնածության աստիճանի և մկանային ծանրաբեռնվածության մոնիթորինգ, օդաչուների/մեքենավարների նախուղերթային զննում և այլն:
Սարքի բազմակողմանի փորձարկման արդյունքները կտպագրվեն ԱՄՆ «Review of Scientific Instruments» (AIP) ամսագրում 2023թ.։