BMW-ի մոտոցիկլետների արտադրությամբ զբաղվող BMW Motorrad բաժինը Լոս Անջելեսում ներկայացրել է BMW Motorrad Vixion Next 100 կոնցեպտուալ մոտոցիկլը` նվիրված ընկերության 100-ամյակին:
Տարրերի մեծ մասը կարբոնից է պատրաստված:
Ապագայի կոնցեպտուալ մոտոցիկլը չի կարող կողաշրջվել երթևեկության ժամանակ, իսկ կայանելիս լրացուցիչ ոչինչ հարկավոր չէ ուղղահայաց դիրքը պահպանելու համար:
Հաշվի առնելով այս ամենը, մոտոցիկլավարին սաղավարտ հարկավոր չէ, բավարար կլինի հովարով գլխարկը, որը միաժամանակ կպաշտպանի քամուց և էկրան կհանդիսանա սարքերի պրոեկցիոն պանելի համար: Վարորդին առաջարկվում է նաև հատուկ հանդերձանք, որը կարող է հովացնել կամ ջերմացնել կախված եղանակային պայմաններից:
Մոտոցիկլը գործի է դրվում էլեկտրաշարժիչի միջոցով, սակայն հզորությունը չի նշվում: Ուժային ագրեգատի չափերը փոքրանում են, երբ մոտոցիկլը կայանված է, և մեծանում են, երբ այն շարժման մեջ է:
Motorrad Vision Next 100-ի շուկա դուրս գալու ամսաթիվը գաղտնի է պահվում: