Հարավկորեական Samsung ընկերությունը ներկայացրել է Samsung Galaxy S21, S21+ և S21 Ultra սմարթֆոնների նոր շարքը: Ռուսաստանում դրանց նվազագույն արժեքը կսկսվի 74,9 հազար ռուբլուց, ինչը 20 հազար ռուբլով թանկ է 2019-ի նմանատիպ մոդելից: Համեմատաբար բարձր արժեքը և ներառված լիցքավորիչի և ականջակալների բացակայությունը կարող են մեծացնել նախորդ տարվա մոդելների պահանջարկը, ինչպես iPhone- ի դեպքում, ասում են մասնագետները:
Հունվարի 14-ին Սեուլում կայացած շնորհանդեսին Samsung-ը ներկայացրեց Galaxy S21, S21+ և S21 Ultra սմարթֆոնների նոր շարքը: Ռուսաստանում մոխրագույն և մանուշակագույն գույներով 128 ԳԲ հիշողությամբ Samsung Galaxy S21-ը կարժենա 74,9 հազար ռուբլի, հաղորդում է Samsung-ը: 256 Գբ հիշողությամբ նույն մոդելի գինը (կվաճառվի նաև սպիտակ և վարդագույն տարբերակով) կլինի 79,9 հազար ռուբլի: 128 ԳԲ Galaxy S21 + մոդելի արժեքը (ներկայացված է սև և մանուշակագույն գույներով) կկազմի 89,9 հազար ռուբլի, իսկ 256 ԳԲ տարբերակը (սև, մոխրագույն և մանուշակագույն)՝ 94,9 հազար ռուբլի:
S21 Ultra սմարթֆոնի 128 Գբ հիշողությամբ մոդելը կարժենա 109,9 հազար ռուբլի, 256 ԳԲ մոդելը՝ 114,9 հազար ռուբլի, իսկ 512ԳԲ-ը՝ 127,9 հազար ռուբլի: Ultra տարբերակը հասանելի կլինի մանրածախ առևտրի կետերում սև և “արծաթագույն ֆանտոմ” գույներով, առանձին կարելի է պատվիրել հատուկ տարբերակ` “տիտանե ֆանտոմ”, “կապույտ ֆանտոմ” կամ “բրոնզե ֆանտոմ” գույներով: Նոր շարքի նախնական պատվերների ընդունումը կսկսվի հունվարի 14-ին, իսկ վաճառքը՝ փետրվարի 5-ին:
Ընկերությունը ներկայացրել է նաև նոր Galaxy Buds Pro ականջակալներ, որոնք Ռուսաստանում արժեն 17,9 հազար ռուբլի, և SmartTag բանալիների կախիչ-թրեքեր իրերը գտնելու համար։ Դրա օգնությամբ կարելի է գտնել, օրինակ, անլար ականջակալներտ, սմարթֆոնները և ժամացույցները: Այն կարելի նաև կախել, օրինակ, ընտանի կենդանու վզակապից:
Սմարթֆոնների նոր շարքում Samsung-ն, ինչպես և ավեի վաղ՝ Apple-ը, հրաժարվել են սմարթֆոնի հետ ականջակալնի և լիցքավորիչների վաճառքից: S21 սարքերի հետ կտրամադրվի USB Type-C մալուխ:
Այն փաստը, որ նոր մոդելները կվաճառվեն առանց ականջակալների և լիցքավորման, կարող է մեծացնել ապրանքանիշի նախորդ տարվա շարքի գրավչությունն, ասում է Mobile Research Group-ի վերլուծաբան Էլդար Մուրթազինը: Այսպիսով, կարող է կրկնվել 2020 թվականի հոկտեմբերին iPhone 12-ի թողարկումից հետո ստողծված իրավիճակը, երբ նախորդ մոդելների վաճառքները կտրուկ աճեցին: «Ազդեցություն կունենա նաև գնի զգալի տարբերությունը, որը S21 և S20 հիմնական մոդելների միջև կազմում է 20 հազար ռուբլի», - նշում է նա: Բացի այդ, ըստ նրա, նոր ու հին սարքերը հագեցած են գրեթե նույն տեսախցիկներով:
2020 թ.-ի վերջին Ռուսաստանում սմարթֆոնների շուկան գրանցեց ռեկորդային ցուցանիշներ՝ ավելանալով 2.3%-ով բնեղեն արտահայտությամբ և 14.3% -ով դրամական արտահայտությամբ, համապատասխանաբար՝ 31 միլիոն սարք և 572 միլիարդ ռուբլի: Ըստ ՄՏՍ-ի գնահատման, Samsung-ը պահպանել է առաջատարի դիրքը հատով վաճառքում՝ 28% մասնաբաժնով, իսկ դրամական արտահայտությամբ Apple-ի սմարթֆոնները զբաղեցնում են առաջին տեղը` 36% մասնաբաժնով: