Amazon-ի հիմնադիր և աշխարհի ամենահարուստ մարդը՝ Ջեֆ Բեզոսը հուկիսի 20-ին կմասնակցի իր ընկերության ստեղծած New Shepard տիեզերանավի առաջին կառավարելի սուբուղեծրային թռիչքին։
Տիեզերական պարկուճի մնացած տեղերի համար տոմսերը շուտով կհանվեն վաճառքի։
Իր Blue Origin ընկերության կողմից կառուցված New Shepard-ն անձամբ փորձարկելու մտադրության մասին Բեզոսը հայտնել է Instagram- ում երկուշաբթի առավոտյան:
«Հինգ տարեկանից ես երազում էի տիեզերք թռչել, - գրել է 57-ամյա միլիարդատերը, - հուլիսի 20-ին ես եղբորս հետ մեկնելու եմ այդ ճամփորդությանը»:
Թռիչքից 15 օր առաջ Բեզոսը պետք է լքի Amazon-ի ղեկավարի պաշտոնը և դառնա ընկերության տնօրենների խորհրդի նախագահ: Amazon-ի գլխավոր տնօրեն կնշանակվի ընկերության թվային ստաորաբաժանման ներկայիս ղեկավար Էնդի Ջեսին։
Բեզոսը հետ թռիչքին կմասնակցի նրա եղբայրը՝ Մարկը։
«Ես ուզում եմ թռչել, որովհետև դա ցանկանում էի ամբողջ կյանքում: Դա արկած է: Սա ինձ համար շատ կարևոր է», - ասում է Բեզոսը Instagram- ում տեղադրված տեսահոլովակում: