ԱՄՆ-ը և Մեծ Բրիտանիան հրաժարվել են Փարիզում կայացած գագաթնաժողովում «ներառական և կայուն» արհեստական ինտելեկտի զարգացման մասին հռչակագիր ստորագրել՝ խամրելով տեխնոլոգիաների կարգավորման միասնական միջազգային մոտեցման հույսերը, գրում է The Guardian-ը։
Փաստաթուղթն ընդգծում է արհեստական ինտելեկտի նկատմամբ թափանցիկության, անվտանգության, էթիկայի և վստահության, ինչպես նաև դրա կայունության ապահովման կարևորությունը՝ ի շահ մարդկանց և շրջակա միջավայրի։ Երեքշաբթի օրը հռչակագրին աջակցել են 60 երկրներ, այդ թվում՝ Ֆրանսիան, Չինաստանը, Հնդկաստանը, Ճապոնիան, Ավստրալիան և Կանադան։ Սակայն ԱՄՆ-ն և Մեծ Բրիտանիան չեն բացատրել իրենց մերժման պատճառները։
Մերժումը հաջորդել է ԱՄՆ փոխնախագահ Ջ. Երբ բրիտանական կառավարությանը հարցրին, թե արդյոք ԱՄՆ-ի մերժումն ազդել է իր որոշման վրա, վարչապետ Քիր Սթարմերի խոսնակն ասաց, որ Լոնդոնը տեղյակ չէ Վաշինգտոնի շարժառիթների մասին:
Աղբյուրները նշում են, որ Մեծ Բրիտանիան աջակցել է գագաթնաժողովի այլ նախաձեռնություններին, ներառյալ կոալիցիան հանուն կայուն արհեստական ինտելեկտի և կիբերանվտանգության մասին հայտարարության: Կառավարության ներկայացուցչի խոսքով՝ ստորագրումից հրաժարվելը պայմանավորված էր հռչակագրում անվտանգության հարցերի ոչ բավարար մշակմամբ, այլ ոչ թե ԱՄՆ-ին հետևելու ցանկությամբ։