Հայաստանի արդարադատության նախարարությունը e-draft էլեկտրոնային հարթակում քննարկման է ներկայացրել օրինագիծ, ըստ որի առաջարկվում է սահմանափակել ինտերնետի հասանելիությունը ռազմական դրության ժամանակ։
Առաջարկվում է Հայաստանի տարածքում ռազմական դրություն հայտարարվելու դեպքում հեռուստատեսությամբ հեռարձակվող և համացանցի միջոցով տարածվող բովանդակությունը սահմանափակել բացառապես ռազմահայրենասիրական ֆիլմերով և հաղորդումներով, ինչպես նաև համապատասխան տեղեկատվությամբ։
Առաջարկվում է Հայաստանի տարածքում ժամանակավորապես կասեցնել (արգելափակել) կայքերը, սոցիալական ցանցերը, ինտերնետային հավելվածները, ինչպես նաև ինտերնետ հասանելիության մասնակի կամ ամբողջական սահմանափակում։
Ինտերնետ հասանելիության սահմանափակման դեպքում պետական մարմիններին և տեղական ինքնակառավարման մարմիններին, ռազմավարական և պետական պահպանվող օբյեկտներին ու ենթակառուցվածքներին, ինչպես նաև առանձին կազմակերպություններին կտրամադրվի համացանցին հասանելիություն։
Նախագծի համաձայն՝ ռազմական դրությանպայմաններում սահմանափակումներ իրականացնելու և կիրառելու լիազորությունները տրվելու են փոխվարչապետին։