Շատերն են կատակով ասել, որ շուտով սմարթֆոնների մեջ միջուկային մարտկոցներ են օգտագործվելու, իսկ գիտնականները, միաժամանակ, երկար տարիներ իրականացվում միջուկային սինթեզի և հարակից տեխնոլոգիաների ոլորտում հետազոտություններ են կատարում: Կարծես սմարթֆոններում և պլանշետներում միջուկային մարտկոցները կարող են միանգամայն իրական փաստ դառնալ: Բրիսթոլի համալսարանի ֆիզիկոսների և քիմիկոսների թիմը ներկայացրել է միջուկային մարտկոցներ, որոնք, ինչպես պնդում են հետազոտողները, կարող է ապահովել էներգիայի երկարաժամկետ մատակարարում զրոյական արտանետումներով: Նրանք պնդում են, որ այդ մարտկոցները կարող են օգտագործվել ցածր էներգիայով փոքր սարքերի մեջ:
Բրիսթոլի գիտնականների կողմից ստեղծված միջուկային մարտկոցի նախատիպը ներառում է արհեստական ադամանդ, ինչը ռադիոակտիվ դաշտում տեղադրելու դեպքում ցածր էլեկտրական հոսանք է առաջացնում: Մարտկոցում որպես ճառագայթման աղբյուր օգտագործվում է նիկել- 63 անվանմամբ ռադիոիզոտոպներ, սակայն թիմը գտնում է, որ իրենք կարող են էապես բարելավել սարքի էֆֆեկտիվությունը, գրաֆիտի նյութից գեներացված ածխածին-14-ի օգտագործման դեպքում:
«Նման մարտկոցներում շարժվող մասեր կամ ռադիոակտիվ արտանետումներ չկան, բացի այդ, նրանք սպասարկման կարիք չունեն: Տեղի է ունենում միայն ուղղակի էլեկտրաէներգիայի արտադրություն: Պարկուճավորելով ռադիոակտիվ նյութը ադամանդի ներսում, մենք միջուկային թափոնների հեռացման խնդիրը վերափոխում ենք միջուկային մարտկոցների արտադրության և մաքուր էներգիայի երկարաժամկետ մատակարարման», - ասել է Բրիսթոլի համալսարանի վերլուծական կենտրոնի աշխատակից Թոմ Սքոթը:
Եթե մենք օգտագործենք ածխածին-14-ը, ապա միջուկային մարտկոցի լիցքավումը 5730 տարիների ընթացքում միայն կիսվ չափ կսպառվի: Այն կարող է ամբողջությամբ փոխել մեր կյանքը շատ ոլորտներում:
«Այս մարտկոցները կօգտագործվեն այնպիսի իրավիճակներում, երբ անհնար կլինի լիցքավորել կամ փոխարինել ավանդական մարտկոցները: Նրանք կարող են օգտագործվել է ցածր էներգիայով էլեկտրական սարքերում, որոնք երկար կյանք ունեցող էներգիայի աղբյուր են պահանջում` կարդիոխթանիչներ, արբանյակներ, բարձրադիր անօդաչու թռչող սարքեր և նույնիսկ տիեզերական նավեր», - ասել է Թոմ Սքոթը: