YouTube-ը հայտարարել է, որ անմիջապես կարգելափակի կապված են ռուսական պետական լրատվամիջոցների հետ կապված ալիքների հասանելիությունը։:
Վիդեոհոսթինգ ընկերությունը Twitter-ի իր հայտարարության մեջ նշել է, որ նման որոշման առիթ են դարձել «ուղեցույցները», որոնք արգելում են «նվազեցնել» փաստաթղթավորված «բռնի իրադարձությունների» նշանակությունը:
«Այժմ մենք արգելափակում ենք ամբողջ աշխարհում ռուսական պետական լրատվամիջոցների հետ կապված YouTube-ի ալիքների հասանելիությունն»,- ասվում է հաղորդագրության մեջ: Փոփոխությունն ուժի մեջ է մտնում «անհապաղ»։
Բացի այդ, YouTube-ը կհեռացնի Ուկրաինայի ապառազմականացման հատուկ գործողության մասին բովանդակությունը, որը «խախտում է» տեսահոսթինգի քաղաքականությունը։
Ավելի վաղ Youtube-ն անջատել էր պրեմիում բաժանորդագրությունը Ռուսաստանում, իսկ ավելի ուշ՝ հարթակի դրամայնացման բոլոր եղանակները։
Աշնանը Ռոսկոմնադզորը հայտնել էր, որ 2020 թվականից ի վեր արձանագրել է օտարերկրյա ինտերնետային կայքերի կողմից ռուսական լրատվամիջոցների նյութերի և դրանց պաշտոնական էջերի գրաքննության ավելի քան 50 փաստ։ Ամենից հաճախ արգելափակման տակ են հայտնվել այնպիսի լրատվամիջոցներ, ինչպիսիք են Sputnik-ը, RT-ն, Anna News-ը, դրանց կեսը՝ YouTube-ում։
Ռոսկոմնադզորը վիդեոհոսթինգի վարչակազմի գործողությունները համարում է գրաքննություն, որը խախտում է տեղեկատվության ազատ տարածման և դրա անարգել հասանելիության հիմնական սկզբունքները։
YouTube վիդեոհոսթինգը պատկանում է Google ընկերությանը: