բավ է պառակտվել
08-04-2020 11:47

Կորոնավիրուսի դեմ պայքարի նպատակով Հայաստան է ժամանել ՌԴ զինված ուժերի մասնագետների թիմը (Տեսանյութ)

Հայաստանի Հանրապետության և Ռուսաստանի Դաշնության զինված ուժերի երկկողմ փոխհամագործակցության շրջանակներում, ՀՀ և ՌԴ պաշտպանության նախարարներ Դավիթ Տոնոյանի և Սերգեյ Շոյգուի միջև ձեռքբերված պայմանավորվածության համաձայն՝ նոր կորոնավիրուսային վարակի տարածման կանխարգելման և հակահամաճարակային միջոցառումների կազմակերպմանն աջակցման, ինչպես նաև փորձն ու պրակտիկ գիտելիքները փոխանցելու նպատակով հենց նոր Հայաստանի Հանրապետություն է ժամանել ՌԴ զինված ուժերի մասնագետների թիմը, հայտնում է ՊՆ մամուլի քարտուղար Շուշան Ստեփանյանը:
Այն համալրված է COVID-19 վարակի հետազոտություններ կատարելու հնարավորությամբ շարժական լաբորատորիայով և նմուշառման համակարգով։
Պաշտպանության նախարարության տրամադրության տակ այդ համակարգերը հնարավորություն կընձեռեն իրականացնել ՀՀ զինված ուժերի և ՀՀ-ում տեղակայված ՌԴ 102-րդ ռազմաբազայի անձնակազմի հետազոտությունները:
Թիրախային խմբերում իրականացվող հետազոտությունները մեծապես կնպաստեն կանխարգելիչ միջոցառումների կազմակերպմանն ու զգալիորեն կբարձրացնեն հակահամաճարակային միջոցառումների արդյունավետությունը:
Մանրամասները տեսանյութով կներկայացնենք առաջիկա ժամերի ընթացքում», - նշել է ՊՆ մամուլի քարտուղարը:

Կորոնավիրուսի դեմ պայքարին կմիանան Սպիտակի և Վեդու ԲԿ-ները, Մարտունու ԲԿ մեկ բաժանմունք
ՌԴ-ում գտնվող ՀՀ քաղաքացիները Հայաստան կարող են վերադառնալ միայն օդային ճանապարհով
ԱՄՆ-ն կտրամադրի Հայաստանին 1,1մլն․դոլար կորոնավիրուսի դեմ պայքարի համար
Կորոնավիրուսի քաղաքական օրացույցը Հայաստանում
Կորոնավիրուսի դեմ պայքարի շրջանակներում Հայաստանը խստացրել է վերահսկողությունը 6 երկրի ուղղություններով