Բավ է պառակտվել
12-01-2021 09:42

Հայաստանում կարանտինը երկարաձգվում է ևս վեց ամսով՝ մինչև հուլիսի 11-ը

Հայաստանում կարանտինը երկարաձգվում է ևս վեց ամսով՝ մինչև 2021 թվականի հուլիսի 11-ը ժամը 17:00-ն, հայտնում է Առողջապահության նախարարությունը:

Միաժամանակ, հաշվի առնելով ներկայումս Հայաստանում առկա համաճարակային իրավիճակը, կատարվել են կարանտինի ընթացքում կիրառվող միջոցառումների և սահմանափակումների որոշակի մեղմացումներ:

«Հայաստանի Հանրապետության քաղաքացի չհանդիսացող անձինք կարող են հատել սահմանը և մուտք գործել Հայաստանի Հանրապետություն նաև ցամաքային սահմանային անցման կետերով, եթե Հայաստանի տարածք մուտք գործելիս ներկայացվում է կորոնավիրուսային հիվանդության (COVID-19) ախտորոշման պոլիմերազային շղթայական ռեակցիայի հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ, կամ սահմանային անցակետում իրականացվում է նմուշառում և տրվում է ինքնամեկուսացման հրահանգ մինչև մինչև ՊՇՌ հետազոտության բացասական արդյունքի ստացումը (նախկինում՝ սույն պահանջը ներկայացված էր միայն օդային սահմանային անցման կետերում):

Ուժը կորցրած են ճանաչվել հանրային միջոցառումների իրականացմանը ներկայացվող սահմանափակումները, այդ թվում՝ հանվել են հանրային միջոցառումների համար մասնակիցների թվի սահմանափակումը (նախկինում՝ 60 մասնակից) և փակ տարածքներում միջոցառումների կազմակերպմանը ներկայացվող պահանջները», - նշված է հաղորդագրությունում։

ՀՀ –ում 2020 թվականի սեպտեմբերի 11-ի, ժամը 17:00-ից մինչև 2021 թվականի հունվարի 11-ը ներառյալ հայտարարված է կարանտին
Արտակարգ դրությունը կերկարաձգվի ևս մեկ ամսով, բայց մի շարք սահմանափակումներ կվերանայվեն
Հայաստանի բնակչությունը կրճատվել է 11,7 հազարով
Սեպտեմբերի 12-ից Հայաստանում արտակարգ իրավիճակից հետո կարանտին կհայտարարվի.
Հայաստանում երրորդ անգամ երկարաձգվեց կորոնավիրուսով պայմանավորված արտակարգ դրության ռեժիմը