#հաղթելուենք
29-07-2020 15:20

«Moderna» ընկերությունը մտադիր է կորոնավիրուսային պատվաստանյութի գինը սահմանել 50-60 դոլար


Ամերիկյան Moderna կենսատեխնոլոգիական ընկերությունը մտադիր է կորոնավիրուսային պատվաստանյութի գինը սահմանել 50-60 դոլար, ինչը կազմում է յուրաքանչյուր դոզայի համար շուրջ 25-30 դոլար: Այս մասին ինչպես TASS - ն է հայտնում, գրել է Financial Times (FT) գործակալությունը՝ վկայակոչելով ընկերության հետ բանակցող աղբյուրներին։
Նման գինը նախատեսվում է Միացյալ Նահանգների և եկամտի բարձր մակարդակ ունեցող այլ երկրների համար՝ նշել է թերթը:
Ընդ որում՝ կորոնավիրուսի դեմ պատվաստանյութի մշակման գործընթացում ներգրավված այլ ընկերություններ պլանավորում են ավելի էժան վաճառել իրենց դեղերը: Ամերիկյան Pfizer- ը և գերմանական BioNTtech- ը, որոնք անցած շաբաթ պայմանավորվել էին ԱՄՆ կառավարության հետ 100 միլիոն դոզան մատակարարելու վերաբերյալ, իրենց պատվաստանյութերը գնահատել են յուրաքանչյուր դոզան 19,5 դոլար, իսկ բրիտա-շվեդական AstraZeneca- ն ՝ 3-4 դոլար, հայտնում է FT- ն:
Թերթի աղբյուրներից մեկը նշել է, որ Moderna-ի հայցվող գինը «լուրջ դժվարություններ է առաջացնում բանակցություններում՝ հաշվի առնելով այն փաստը, որ մյուս արտադրողները խոստացել են զգալիորեն ցածր գներ»: Ինչպես նշվում է հրապարակման մեջ, այս առումով 50-60 ԱՄՆ դոլարի նպատակային գինը հավանաբար վերջնական չի լինի:

Ռուսաստանի պատվաստանյութը մինչեւ երկու տարի կապահովի պաշտպանությունը կորոնավիրուսից
ԱՄՆ-ն կտրամադրի Հայաստանին 1,1մլն․դոլար կորոնավիրուսի դեմ պայքարի համար
Բնակչության շրջանում կիրականացվի հակամարմիններով թեստավորում․նախարար
Ի՞նչ առողջական խնդիրներ կարող են առաջանալ հայ երեխաների մոտ դպրոցում դիմակ կրելու հետևանքով․ փորձագետ
Օղու թունավորմումից մահացան ևս երկու հոգի