բավ է պառակտվել
24-02-2020 22:51

Սոխն ընդդեմ ցելյուլիտի։ Նախապատրաստվում ենք ամռանը

Սոխով ուտեստները լավ են ինչպես ձմռանն, այնպես էլ ամռանը: Այն ոչ միայն հասանելի է ամբողջ տարվա ընթացքում, այլև շնորհիվ իր դետոքսիկացնող և հակացելյուլիտային հատկությունների հատկապես օգտակար է, եթե մտադիր եք ամառը դիմավորել կատարյալ արտաքինով, ինչպես Ռենե Զելվեգերը “Օսկար” -ի մրցանակաբաշխությանը:

Իսկ եթե “սննդակարգ” բառն, առավել ևս “դետոքս” նախածանցով առաջացնում է ոչ այնքան հաճելի ասոցիացիաներ՝ ապա պարզապես հարկ է ուշադրություն դարձնել սոխով դիետային: Սոխը հարուստ է հանքանյութերով, վիտամին C- ով, ֆերմենտներով, որոնք կարգավորում են մարսողությունը և խթանում նյութափոխանակությունը: Բացի այդ, այն հեռացնում է օրգանիզմից ավելորդ հեղուկը:

Սոխապուր` ամբողջական հացահատիկից հացով

Այս ապուր պատրաստելու համար նախ կեղևահան արեք և կտրատեք սոխը: Այնուհետև տապակեք այն խորը տապակի մեջ մի քիչ յուղով, մի պտղունց պապրիկայով և թարմ հազրեվարդի տերևներով: Մոտ տաս րոպե անց սոխի խառնուրդն ավելացրեք նախապես եփած բանջարեղենային արգանակին: Ո՛չ մի աղ․ արգանակի բույրն ամեն ինչ կանի մեր փոխարեն: Սոխը փափկե՞լ է, իսկ արգանակը կրեմանմա՞ն է։ Եթե այո՝ ապա ապուրը պատրաստ է: Այն կարելի է մատուցել հացի տապակած կտորի հետ:

Խրթխրթան սոխը ռիկոտայով

Նվիրվում է նրանց, ովքեր հետևում են սննդակարգին անգամ հանգստյան օրերին։ Կեղևահան արեք սոխը և եփեք 20 րոպե աղ ավելացրած ջրի մեջ, հետո թափեք ջուրը և թողեք սոխը սառչի: Կտրեք եփած սոխի գագաթը և դրա մեջ մի փոքր անցք արեք։ Լցոնեք սոխը մանրեցված սոխի, ռիկոտայի և մաղադանոսի խառնուրդով՝ համեմված կարագով, աղով և պղպեղով։ Մնում է միայն սոխը դնել տապակի վրա, երեսից շաղ տալ պաքսիմատ և թխել 180° ջերմաստիճանում 30 րոպե: Հեշտ և համեղ ուտեստը պատրաստ է:

Միրթով տապակած սոխ

Այս խավարտը կատարյալ է ինչպես մսի, այնպես էլ ձկնեղենի հետ: Կեղևահան արեք սոխը և կտրատեք բարակ շերտերի: Դրեք կաթսայի մեջ, ավելացրեք կարագ, սոխ և պղպեղ և թողեք ուժեղ կրակի վրա մի քանի րոպե, այնուհետև ավելացրեք միրթի մի քանի չորացած տերև, ինչն անկրկնելի բուրմունք կհաղորդի խավարտին։ Թուլացրեք կրակը և մի քանի րոպե ծածկեք կաթսան կափարիչով:

Հավելյալ խորհուրդ

Սոխը եփելիս հոտից ազատվելու համար ջրին ավելացրեք կես բաժակ կաթ։ Իսկ ամենահամարձակները կարող են օգտագործել ոչ միայ սոխն, այլև պատրաստելուց հետո մնացած ջուրը․ միզամուղ և դետոքս արդյունքն ապահովված է։

Ամբողջ տարածաշրջանին սպառնում է խոլերայի, ժանտախտի բռնկումներ
Ի՞նչ առողջական խնդիրներ կարող են առաջանալ հայ երեխաների մոտ դպրոցում դիմակ կրելու հետևանքով․ փորձագետ
Օղու թունավորմումից մահացան ևս երկու հոգի
Արսեն Թորոսյանի համար իր արձակուրդն ավելի թանկ արժե, քան ՀՀ 14 քաղաքացիների կյանքը
Մարզերի բժշկական կենտրոններին կնվիրաբերվեն ՈՒԱԶ տեսակի ամենագնաց շտապօգնության մեքենաներ