Բա՛վ է պառակտվել
03-09-2019 14:23

Արսեն Թորոսյանը “փախել” է իր ասուլիսից, որպեսզի չպատասխանի գործընկերոջ հարցերին

Առողջապահության նախարար Արսեն Թորոսյանը երեքշաբթի մամլո ասուլիս է հրավիրել Յոլյանի անվ․Արյունաբանության ինստիտուտում, որի ընթացքում ներկայացրել է նախարարության մոտակա ծրագրերը։

Նախարարության հետագա գործունեությունը ներկայացնելուց հետո Թորոսյանը հայտնել է, որ անցնում է հարց ու պատասխաններին և պատրաստ է լսել լրագրողներին։ Այդ պահին մանկական ուռուցքաբան, Մանկական ուռուցքաբանության և արյունաբանության կենտրոնի ղեկավար և նախարարի նախկին խորհրդական Գևորգ Թամամյանը խնդրել է լրագրողներին նախարարին մի քանի հարց տալու հնարավորություն ընձեռնել իրեն։

Օգոստոսի 20-ին իր ֆեյսբուքյան էջում Թամամյանը գրել էր, որ ալևս չի համարում իրեն ուռուցքաբանության գծով Թորոսյանի օգնական։ Նա նշել է, որ այդ որոշումն ընդունելու պատճառները շատ են, և նախարարը տեղյակ է դրանցից, քանի որ վերջինիս բազմիցս ասվել է դրանց մասին։

Նախարարը հայտարարել է, որ Թամամյանն ինքը կարող է մամլո ասուլիս հրավիրել և զրուցել լրագրողների հետ։ Մանկական ուռուցքաբանը հակադարձել է, որ նախարարը պարտավոր է պատասխանել իր հարցերին, ինչին ի պատասխան Թորոսյանը տեղից վեր է կացել և շարժվել դեպի ելք։

Ելքի մոտ լրագրողները խնդրել են նախարարին պատասխանել մի քանի հարցի և, ասուլիսը դե ֆակտո շարունակվել է “կանգնած” ռեժիմում։

Մնալով ելքի մոտ, Թորոսյանը պատասխանել է լրագրողների մի քանի հարցին, այնուհետև լքել է սենյակը, ինչից հետո Թամամյանն անց է կացրել հանպատրաստից մամլո-ասուլիս՝ ներկայացնելով այն հարցերը, որոնք ցանկանում էր ուղղել նախարարին։

ՀՀ առողջապահության նախարար Արսեն Թորոսյանի ասուլիսը (Տեսանյութ)
Արսեն Թորոսյանը մտահոգ նախարա՞ր, թե «ձմեռ պապի»
Քաղաքացու գրպանը մտնելու հերթական փո՞րձ,թե առողջության ապահովում
Արսեն Թորոսյանը ներկայացրել է կորոնավիրուսով հիվանդի և մեկուսացված քաղաքացիների առողջական վիճակը
Արսեն Թորոսյանն առաջարկում է երկարացնել արտակարգ դրության ժամկետը (Տեսանյութ)