Ավստրալացի գիտնականները նշել են վիրուսների հինգ տեսակ, որոնք ամենամեծ վտանգն են ներկայացնում մարդկության համար և կարող են նոր համավարակի պատճառ դառնալ։ Գիտական և կիրառական հետազոտությունների պետական ասոցիացիայի (CSIRO) տվյալներով՝ ցուցակում ներառված են կորոնավիրուսները, ֆլավիվիրուսները, տոգավիրուսները, օրթոմիկսովիրուսները և պարամիկսովիրուսները, գրում է ՏԱՍՍ-ը։
SARS-CoV-2-ը, որն առաջացրել է COVID-19 համաճարակը, պատկանում է կորոնավիրուսների ընտանիքին։
«Ֆլավիվիրուսներն ու տոգավիրուսները կրում են մոծակները և տզերը, դրանք առաջացնում են, այդ թվում՝ դենգե տենդը, չիկունգունյա տենդը և ճապոնական էնցեֆալիտը: Օրթոմիկսովիրուսների ընտանիքը ներառում է գրիպի վիրուսի բոլոր շտամները, որոնց մենք հանդիպում ենք ամեն տարի: Այնուամենայնիվ, ցանկում ներառված են նաև պարամիքսովիրուսի ընտանիքի խիստ մահացու վիրուսները, որոնք ներառում են կարմրուկի, ինչպես նաև Նիպահ և Հենդրա վիրուսներն», - ասել են CSIRO-ում:
Գիտնականները նշել են, որ «գիտության և տեխնիկայի ժամանակակից ձեռքբերումները կարող են և պետք է լրացնեն համաճարակային հսկողության կարճաժամկետ ռազմավարություններն, ինչպիսիք են կարանտինը և սահմանների փակումը, միաժամանակ նվազեցնելով դրանց սոցիալական և տնտեսական հետևանքները»:
«Արդյունավետ և բարձր տեխնոլոգիական առողջապահական համակարգը կարող է գործել որպես վաղ նախազգուշացման համակարգ՝ հայտնաբերելով վարակիչ հիվանդությունների բռնկումները և թույլ տալով բուժման և ախտորոշման նոր մեթոդների արագ մշակումն ու ներդրումը, ապահովել պատվաստանյութերի մատակարարումը»,- նշել են կազմակերպությունում՝ մատնանշելով. որ «լայն սպեկտրի հակավիրուսային դեղամիջոցների» և վիրուսային վարակների դեմ ունիվերսալ պատվաստանյութեր ստեղծելու ուղղությամբ տարվող աշխատանքները մեծ նշանակություն կունենան։