բավ է պառակտվել
11-03-2020 15:28

Իտալիայից Երևան ժամանած ուղևորները գտնվում են տնային կարանտինի մեջ

Նախօրեին Իտալիայից Հայաստան ժամանած ուղևորները տնային կարանտինի մեջ են, ասել է չորեքշաբթի առողջապահության նախարարության խոսնակ Ալինա Նիկողոսյանը:

Երեքշաբթի օրը երկու չվերթով Միլանից և Հռոմից Երևան են ժամանել Հայաստանի քաղաքացիները, որոնք տեղում զննվել են և ուղարկվել տնային կարանտին:

“Երեկվա չվերթներով ժամանած բոլոր անձինք “Զվարթնոց” օդանավակայանից իրենց տներն են տարվել հատուկ ավտոբուսով, ուստի տաքսիստների հետ շփումներ չեն եղել”, - ասել է Նիկողոսյանը:

Ըստ նրա, կազմակերպվում է նրանց ինքնամեկուսացման գործընթացը, նրանք բոլորը տնային կարանտինի մեջ են:

Միևնույն ժամանակ, նա նշել է, որ Իտալիայից ժամանած ոչ մի քաղաքացի չի ունեցել առողջական բողոք, հիվանդության հիմնական ախտանիշները բացակայել են, դրանց ի հայտ գալու դեպքում առողջապահության նախարարությունը լրացուցիչ տեղեկություն կտրամադրի:

Ryanair Airlines- ը դադարեցրել է Երևանից դեպի Իտալիա և հետադարձ բոլոր չվերթները մինչև ապրիլի 8-ը ներառյալ։

Ավելի վաղ հաղորդվել էր, որ Հայաստանում COVID-19-ի առաջին և ներկայումս միակ դեպքը գրանցվել է մարտի 1-ի գիշերը. փետրվարի 29-ին կնոջ հետ Թեհրանից Երևան ժամանած 29-ամյա ՀՀ քաղաքացու կրկնակի թեստը եղել է դրական, ընդ որում, նրա կնոջ թեստի արդյունքը բացասական էր։ Հիվանդ քաղաքացու հետ շփման մեջ եղած 31 անձ մեկուսացվել է Ծաղկաձորի հյուրանոցներից մեկում:

ՀՀ–ում տնային պայմաններում ինչպե՞ս է իրականացվում կորոնավիրուսով հիվանդների բուժումը․
Հայաստանում կորոնավիրուսով վարակված հիվանդ չկա
Կորոնավիրուսի քաղաքական օրացույցը Հայաստանում
Կորոնավիրուսի վարակի ռեկորդային թիվ է գրանցվել
Հայաստանում կորոնովիրուսի դեպքերի ընդհանուր թիվը 2386-ն է