Հայաստանում մայիսի 13-ի դրությամբ կորոնավիրուսի դեպքերի թիվն ավելացել է 180-ով, վարակվածների ընդհանուր թիվը հասել է 3718-ի, հայտնում են ԱՆ-ից:
ՀՀ-ում կորոնավիրուսից ապաքինվել է 1500 մարդ, այս պահին բուժվում է 2149-ը:
Մեկ օրում գրանցվել է կորոնավիրուսի հետևանքով մահվան մեկ դեպք:
Ընդհանուր առմամբ, կորոնավիրուսային հիվանդությունից գրանցվել է մահվան 48 դեպք, իսկ այլ պատճառներով՝ 21 մահ:
ԱՆ-ից հայտնում են, որ արձանագրվել է մահվան 1 դեպք: Պացիենտը եղել է 65 տարեկան (տղամարդ), չի ունեցել ուղեկցող քրոնիկական հիվանդություն:
Բացի այդ, նախորդ օրը արձանագրվել է մահվան 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 21 է։