Բրիտանական The Lancet բժշկական ամսագիրը հրապարակել է Sputnik V պատվաստանյութի փորձարկման նախնականարդյունքները: Թեստերը ցույց են տվել, որ պատվաստանյութի արդյունավետությունն ավելի քան 91% է: Այսպիսով, Sputnik V-ն դասվում է COVID-19-ի դեմ ամենաարդյունավետ պատվաստանյութերի շարքին, Pfizer-ի և Moderna-ի հետ միասին, որոնք նույնպես ավելի քան 90% արդյունավետ են:
Թեստերը կատարվել են 2020 թվականի սեպտեմբերի 7-ից նոյեմբերի 24-ը: Փորձարկման 14,964 մասնակից ստացել է պատվաստանյութի երկու դեղաչափ, իսկ 4902-ը՝ պլացեբո: Առաջին խմբում պատվաստանյութի երկրորդ ներարկումից 21 օր անց հաստատվել է COVID-19-ի 16 դեպք, երկրորդում`62, ինչը համարժեք է 91,6% արդյունավետության: 60 տարեկանից բարձր 1611 մասնակիցների վրա պատվաստանյութի փորձարկումները նույնպես ցույց են տվել դրա արդյունավետությունը: Բացի այդ, The Lancet-ը նշում է, որ մասնակիցների մոտ առաջացել է նվազագույն քաղակի անցանկալի երևույթներ, որոնցից 94% -ը եղել է թեթև: Պատվաստանյութ ստացածների խմբում ավելի հաճախ առաջացել են գրիպանման երևույթներ, դիտարկվել են տեղական ռեակցիաներ և ջերմություն:
Պատվաստանյութ ստացած փորձարկման երկու մասնակից մահացել է COVID-19- ից: Հետազոտողները եզրակացրել են, որ նրանք վարակվել էին նախքան փորջարկումների մեկնարկը:
Ամսագիրը նշում է, որ արդյունավետության վերլուծությունն ընդգրկել է միայն COVID-19 ախտանշանային դեպքերը, և անհրաժեշտ կլինի լրացուցիչ հետազոտություն` գնահատելու, թե որքանով է արդյունավետ պատվաստանյութը ասիմպտոմատիկ COVID-19-ի դեպքում: Բացի այդ, դիտարկման ժամանակահատվածը մոտ 48 օր էր առաջին ներարկման պահից, ուստի վիրուսից պաշտպանված լինելու ընդհանուր ժամանակը դեռ անհայտ է: Թեստերը կշարունակվեն, նախատեսվում է ներգրավել ընդհանուր առմամբ 40 հազար մարդ: Վերջնական վերլուծությունը կկատարվի երկրորդ ներարկումից 180 օր անց:
Sputnik V-ը հավանության է արժանացել Բելառուսում, Թուրքմենստանում, Սերբիայում, Պաղեստինում, ԱՄԷ-ում, Արգենտինայում, Բոլիվիայում, Վենեսուելայում, Պարագվայում, Թունիսում, Նիկարագուայում և Հունգարիայում: Հունվարի 26-ին Ռուսաստանի ուղղակի ներդրումների հիմնադրամի գործադիր տնօրեն Կիրիլ Դմիտրիեւը հայտարարեց, որ Sputnik V- ը շուտով կգրանցվի 25 երկրում:
Ավելի վաղ հրապարակվել էին անգլիական AstraZeneca ընկերության պատվաստանյութի փորձարկման արդյունքները, որը մշակվել էր Օքսֆորդի համալսարանի գիտնականների հետ միասին՝ շիմպանզեի ադենովիրուսի հիման վրա: Կլինիկական փորձարկումները տեղի են ունեցել Մեծ Բրիտանիայում, Բրազիլիայում և Հարավային Աֆրիկայում: Պատվաստանյութը տրվում է երկու դեղաչափով` 4-12 շաբաթվա տարբերությամբ, արդյունավետությունը գնահատվել է երկրորդ դեղաչափից հետո 14-րդ օրվանից: Պարզվել է, որ պատվաստանյութն անվտանգ է, բայց արդյունավետությունն ավելի ցածր է, քան Moderna և Pfizer պատվաստանյութերինը: Երկու պատվաստանյութն էլ արդյունավետ են մոտ 95%-ով, մինչդեռ AstraZeneca-նը 70,4%-ով, իսկ Բրազիլիայում փորձարկումներ արդյունը կազմել է 64,2%:
Johnson & Johnson-ը հայտարարել է, որ պատվաստանյութերի արտադրությամբ զբաղվող իր ստորաբաժանման՝ Janssen Pharmaceuticals- ի կողմից մշակված մեկ դեղաչափ պատվաստանյութ արդյունավետթյունը ներարկումից 28 օր անց կազմել է 72%՝ ԱՄՆ-ում, 66%` Լատինական Ամերիկայում և 57%՝ Հարավային Աֆրիկայում: Կլինիկական փորձարկման շրջանակներում պատվաստված մարդկանց շրջանում հոսպիտալցման և մահվան դեպքեր չեն գրանցվել:
Դեկտեմբերի 30-ին չինական դեղագործական Sinofarm ընկերությունը հայտնեց, որ կորոնավիրուսի դեմ իր մշակած պատվաստանյութն արդյունավետ է 79,3% -ով: Բրազիլիայում պատվաստանյութերի ավելի ուշ կատարված ուսումնասիրությունների արդյունքները ցույց են տվել չինական պատվաստանյութի 50,4% արդյունավետություն:
Sputnik V-ն օգտագործում է ադենովիրուսի երկու տարբեր վնասազերծված շտամներ: Պատվաստանյութի առավելությունն այն է, որ այն կարող է պահվել ավելի բարձր ջերմաստիճանում, քան պահանջվում է որոշ այլ պատվաստանյութերի համար: