Բժիշկները պետք է արժանապատիվ աշխատավարձ ստանան, որպեսզի նրանց աշխատանքն արդյունավետ լինի: Ուստի, 2018 թ. Հունվարի 1-ից Ռուսաստանում բժիշկների աշխատավարձերը կբարձրանան՝ կազմելով միջին աշխատավարձի 200%-ը: Այսօր այդ մասին լրագրողներին հայտնել է ՌԴ փոխվարչապետ Օլգա Գոլոդեցը:
Նա ասել է, որ սա անբեկանելի դիրքորոշում է, որը ոչ ոք չի կարող վերանայել, և որը հետևողականորեն իրականացվելու է: Փոխվարչապետը նշել է, որ ծրագիրը նախատեսված է բյուջեով և հույս է հայտնել, որ այն կիրականացվի ՌԴ բոլոր մարզերում:
Նշենք , որ ավելի վաղ ԶԼՄ-ները հայտնել էին, որ բուժաշխատողների աշխատավարձերի բարձրացման տեմպերը երկու անգամ նվազելու են(10,6%-ից 5,4%-ով):
Չնայած դրան երեքշաբթի օրը ՌԴ նախագահի մամուլի քարտուղար Դմիտրի Պեսկովը հայտարարել էր, որ բուժաշխատողների աշխատավարձերի բարձրացման տեմպերի նվազման վերաբերյալ կարավառությունը որևէ համաձայնեցված որոշում դեռ չունի, որևէ որոշում չի ընդունվել և սոցյալական ոլորտի վերաբերյալ բոլոր ուղենիշները առկա են նախագահի մայիսյան հրամանագրերում:
Մայիսյան հրամանագրերը՝ սոցյալական ապահովության երաշխիքների մեծ ծրագիր է, որը Վլադիմիր Պուտինը ներկայացրել է 2012թ.-ին՝ ՌԴ նախագահի պաշնոնը ստանձնելուց անմիջապես հետո: Հրամանագրերի ստորագրումից մեկ տարի անց կառավարությունը հաշվետվություն ներկայացրեց, և նշեց, որ կատարել է դրանք երկու-երրորդով: 2016թ. բյուջեով դրանց իրականացման համար նախատեսված է 676,1 մլրդ. ռուբլի: Նախագահի նշած խնդիրների մեծ մասը պետք է լուծում ստանան 2018 թվականին: