Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի միջեւ «հիանալի մթնոլորտ էր տիրում» հոկտեմբերի 27-ին Փարիզում կայացած հանդիպման ավարտից հետո, որն ամփոփվել էր Ֆրանսիայի նախագահ Ֆրանսուա Օլանդի հետ ընթրիքով: Այս մասին հայտարարել են Ֆրանսիայի նախագահի շրջապատի ներկայացուցիչները, փոխանցում է France-Presse-ը: Այնուամենայնիվ, գործակալությունը նշում է, որ նախագահների հանդիպումները համաձայնագրի ստորագրման չեն հանգեցրել: