բավ է պառակտվել
15-10-2020 15:37

«Լեռնային Ղարաբաղի տարածաշրջանում ակտիվ քննարկում է խաղաղապահության հարցը» - Ստանիսլավ Զաս

Լեռնային Ղարաբաղում խաղաղապահության հարցն ակտիվ քննարկվում է, այսօր ասել է ՀԱՊԿ գլխավոր քարտուղար Ստանիսլավ Զասը։ 

Բելառուսի նախագահի հետ հանդիպումից հետո նա նշել է, որ քննարկվել է ՀԱՊԿ առաջիկա գագաթնաժողովի օրակարգը, որը տեղի կունենա դեկտեմբերի 2-ին Մոսկվայում։ 
Ըստ Զասի՝ քննարկվել է ՀԱՊԿ տարածաշրջանում տիրող իրավիճակը, մասնավորապես՝ Լեռնային Ղարաբաղում, Ղրղզստանում և Բելառուսում։ 
«Լեռնային Ղարաբաղի տարածաշրջանում ակտիվ քննարկում է խաղաղապահության հարցը», - ասել է ՀԱՊԿ գլխավոր քարտուղարը:

Ավելի ուշ ՌԴ նախագահի մամուլի քարտուղար Դմիտրի Պեսկովը նշել է, որ Լեռնային Ղարաբաղի հակամարտության գոտում ցանկացած խաղաղապահների տեղակայումը հնարավոր է միայն հակամարտող կողմերի համաձայնությամբ։

«Այստեղ առաջնային հարցն այն է, թե ինչպես են դրան վերաբերում հակամարտող կողմերը՝ Հայաստանն ու Ադրբեջանը: Ցանկացած խաղաղապահի, դիտորդի տեղակայում, ով էլ որ լինի, հնարավոր է միայն երկու կողմերի համաձայնությամբ», - ասել է Պեսկովը:

Նրան խնդրել են հաստատել՝ արդյոք որևէ պատասխան դեռ չկա այդ տարածաշրջանում խաղաղապահներ տեղակայելու հնարավորության վերաբերյալ։

«Մենք դեռ պատասխանը չենք լսել», - ասել է Պեսկովը:

Արմինե Գևորգյան

Ռուս խաղաղապահ ուժերը բերվել են Լեռնային Ղարաբաղ
Հոկտեմբերի 15-ին ԱԳ նախարար Զոհրաբ Մնացականյանը հեռախոսազրույց ունեցավ ՀԱՊԿ գլխավոր քարտուղար Ստանիսլավ Զասի հետ
Ես չեմ կարող գաղտնազերծել, թե ինչ ենք քննարկել․ Շարմազանովը վարչապետի հետ հանդիպման մասին
Պուտինն ու Մակրոնը քննարկել են իրավիճակը Լեռնային Ղարաբաղում
Ռուս խաղաղապահների ներկայությունը Լեռնային Ղարաբաղում տալիս է արդյունքներ․ Շոյգու