Այսօր լրագրողների հետ կայացած հանդիպման ժամանակ քաղաքագետ Ալեքսանդր Մարգարովը նշեց, որ ՀՀ նախկին վարչապետի պաշտոնանկության հիմնական պատճառներն ավելի շատ գտնվում էին ներքաղաքական դաշտում և կային մի քանի օբյեկտիվ պատճառներ, որոնցով նախորդ Կառավարությունը չէր կարող շարունակել իր գործունեությունը:
Ըստ աղաքագետի վարչապետի հրաժարականից հետո 3 սցենարով, կարող էին գնալ ՀՀԿ-ն և ընդդիմությունը. «Առաջին սցենարն, հիմնական դերակատարողի շրջանակում կառավարության ձևավորումն է, երկրորդ սցենար՝ մինիմալ կոալիցիա կամ դրա պահպանում, երրորդ սցենար՝ եթե օրակարգում եղել է լայն կոալիցիայի ձևավորման հարց, փորձել ձևավորել այդ կոալիցիան»,-նշեց Ալեքսանդր Մարկարովը:
Փորձագետի համոզմամբ՝ իրադարձությունների զարգացմանը ընդդիմադիր դաշտի արձագանքը, ցույց տվեց, որ նրանք պատրաստ չէին նման զարգացումներին, կամ նրանք պատրաստ չէին մտնել կառավարություն և հանդես գալ, որպես համագործակցող ուժ:
Նա միաժամանակ նշեց, որ այս կառավարության հիմնական խնդիրներից մեկը նոր կադրեր գտնելն է. «Գուցե հաջորդ ընտրական ցիկլի ժամանակ իրավիճակը փոփոխություն ունենա»,-եզրափակեց բանախոսը: